THUHRILTU 12
12
1Ni vânglai hin nang a siamtu chu inhre mai ro, nikhua saloihai a hong tung mân le, ‘Lômna rêng rêng nei ma ung e,’ ni tihna hrang kumhai a hong nâi mânin; 2Kha kha misa vâr le tha vâr le ârsi vârhai khi nangma ta hranga an inthim mân le rotho zoia sûm a hong kîr mân hin. 3Khanchu ni kut, nang a hrungtu chu inthing tah a ti, ni ke, atûna hrâthai hi hong duai ta a ta, bu nêkna hrang khomin ni ha chu a tômte vai hong ni ta a ta; ni mithai khom inthimin ite fel takin hmu thei ta no ni. 4Ni mikuarhai chu kholaia irhâi le irhâihoi irfûk irhâihai chu inhre thei ta no chi nia, khannisian vate inhrâm khomin ni zâlhmun ata chu nang la kaithoi a ti. 5Hmun irsânghai chu chi ni ta, ni lampuia thil chînte khom irfûi hrangin chi ni ta, ni samhai chu almond thing pârhai angin hong ngoi ta a ta, kal ni chôi tika khom khâisor angin lôn ni ta, hring ni irzukna murdihai chu irhmang ving ta a ti, khanchu ni kumtuang ina fe ta ni ta, ni ruak chu thâna an chôi laiin, nang a sûntuhai chu kotsuahaia irbuk an ti. 6Sumru hrui chu a chata, rângachak khuri chu a koia, pilbêl chu tuikuanga a koia, sakor tâli chu rungtuia a tâk mân hin. 7Ni taksa chu irnêng pila suak a nia, ni thi tika khom ni taksa chu irnêng pila ngêt kîr nôk a ta, nir tha chu Pathian kuang kîr nôk a ti. 8Thuhriltu’n chu, “Chanlamboi, chanlamboi, thil tinrêng hi chanlamboi ving a ni,” a ti.
Thu kaikhômna
9Thuhriltu chu a sân a vâra, a vârna chu mihai irchûtirna’n a hmanga. Thuhriltu hin irdîn takin a suia, thuvâr tamtakhai a sinsiama. 10Thuhriltu’n chu thudikhai hmusuak hrangin a sân a tuma, khanchu irchutirna le irnghatna thuhai chu a’rziak suaka. 11Mi vâr thuhai chu khianghrol irzum mihaiin an ramhai lam dika an ifepui ngai ang hi a ni. Kha irchutirnahai kha hêmvuak det takhai ang an nia, khahai kha irhnêlin lân, sataka hringnun hmang dân lampui dik chu nang irhmutir thei a ti. kha irchutirna vâr murdihai kha Pathian, ei rênga Belrapu ata suak ving a ni.
12Khasikin ki nâipa, kha irchutirnahai kha irchu’n lân, khannisian lekhabu danghai ata chu irdîn ro, lekhabu tamtak siam hin hek nî nei maka; irchu tam khom hi taksa sôlna vai a ni.
13Hihai murdi zoia hin chu, thil inkhat vai hi hril hrang a om tâka; Pathian chin lân a thupêkhai zôm ro, kha hrang piala mihriam hi siam ei ni sikin. 14Pathianin sintho murdihai chunga roi a la rêl hrang a nia, thil irthup tinrêng, a siat mani, a sa mani tihai khom hi.
Currently Selected:
THUHRILTU 12: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
