INPÂKNA HLAHAI 68
68
Râl inhnêa irsongna hla
Hla hruaitu hrangin, Davida inpâkna hla
1Pathian chu thoi sianlân,
a doihai chu indarin omhai sianlân;
Ama khôkmâktuhai khom kha a makunga laizâm tho ri sehai.
2Meikhu inlêng irhmang angin,
anni chu inlêng irhmangtir roh.
Khuaihlu hi mei luma a izôi irhmang angin,
Mi pualoihai chu Pathian makunga irhmang ri sehai.
3Mi felhai rêk chu lôm takin omhai sianlân;
Pathian makunga raiinfân ri sehai.
4Pathian chôiindômin hla sak unglân,
a’rhming inpâkin zâi roi;
Tâlia ramchârhai fe thengtu hrangin chu lamlian hrang sung insip unglân;
A’rhming chu Rengpa a ni;
a makunga khan raiinfân roi.
5Pathian a omna irthianga om kha,
Pa nei loihai Pa le meithâihai ngaituatu a ni.
6Pathian khan mi malhai chu sûngkua laia an omtir ngaia:
Mi intânghai kha a hruai suaka,
vânneinaa a hruai lût ngaia:
Tehel hmanghai rêk chu ramchâra an omtir ngai.
7O Pathian, ni mihai ma hruaia ni hong suaka,
Ramchâra ni fe theng lai khan,
8 #
Fes 19.18
Irnêng hi an hnîng dur dura,
Irvân khom khin Pathian makunga khan rua an thotira:
Sinai tâng lua khom Pathian makunga,
Israelhai Pathian makunga khan,
an hnîng dur dur kha,
9O Pathian, nangin rua tamtak nin thotira,
Ni dongtum kha a’rzal lai khan nin dettira;
10Ni mihaiin kha khan om hmun an khuara.
O Pathian, nang chu ni satna’n inrianghai hrang ni sinsiama.
11 Rengpa’n thu a pêka, Thurchi hriltu nupang tamtakin an hrilin dara,
12Sipaihai le rênghai chu laizâm an thoa,
laizâm an thoa: In nghâktunu khan râllâk sum kha a sema.
13Vasu mitha tangkarua tuama,
A mitha hmor khom rângachak vâr taka tuam angin.
Belra irkul kârhaia ni izâl hrang ma ni?
14Itinrêngthothei khan khataka rênghai an darhtir lai kha,
Zalmon tânga ivur tâk lai ang a ni.
15Basan tâng chu Pathian tâng a nia;
Basan tâng chu tâng irsâng tak a ni.
16Tâng irsâng takhaio,
Pathianin a omna hranga a inthang nuam chu ithoa mo hnarsaa nin ien?
A ni, Rengpa chu kha khan kumkhua’n a iom mai hrang kêng.
17Pathian tâli chu a sîng a sîng,
a sâng a sâng tamtak a ni:
Rengpa chu Sinai tânga a om ang khan,
Khahai laia khan hmun irthianga a om ta.
18 #
Efe 4.8
Nang chu chung tiang ni kâia;
Ni ichelhai kha suakin ni hruaia;
Mihriamhai ata thilpêkhai ni donga,
A ni, tehel zonghai laia khom;
Rengpa Pathian kha an kuang a om theina hrangin.
19 Rengpa, kin puak a ni tina ni pêl petu,
A ni saninhringtu Pathian chu inpâkin om ri se.
20Pathian chu ei ta hrangin saninzôktu Pathian a ni;
Thina ata suaknahai chu Rengpa Jehova ta a ni sa.
21Khannisianlân Pathianin ama doituhai lu chu sât irphalphat a ta,
A thiamloinaa la fe thiaia lu vun sam irbuk tak a ni.
22 Rengpa’n, “Basan ram ata nang hruai nôk ki ta,
Tuikhanglian mong inthûk tak ata chu nang hruai nôk ki ti.
23Ni ke chu thisena ni phûm theia,
Ni ui lâkhai khan ni idoihai
ata dongtum a nei theina hrangin,” a tia.
24O Pathian, ni ife laihai an hmua,
Ki Pathian ki inlaltak hmun irthianga fe laihai chu.
25Dôngmate khuang suktuhai laia khan,
Hla saktuhai an fe masaa,
irhaihoi tumtuhai khan an zuia,
26Inkhômna inhaia khan Pathian inpâk unglân,
O Jakoba irchihai Rengpa chu inpâk roi.
27Nâi mitum Benjamina-haiin ma hruaiin Juda irchia mi lianhai le an upahai,
Jebuluna mi lianhai,
Naftalia mi lianhaiin an zuia.
28Ni Pathian khan ni sinthotheina chu thu a pêka:
O Pathian, kin ta hranga thil ni itho chu inhrât ro.
29Jerusalema ni biak in sikin rênghaiin lômmanhai nang la hong chôi pe an ti.
30Sahrâng lâiluang kâra om chu hâlin lân,
Nam dang sehrâtchal le sehrâtte, lômhai chu ngô roh.
Kûna an tangkahai ni kuanga an inhlan mâka chu;
Irsual vai nuamhai chu indartir roh.
31Aigupta ram ata milianhai hong suak an ta;
Ethiopia-hai chu an kut Pathian tiang phar hrangin irhnot an ti.
32Rammuala ram murdihaio,
Pathian chôiindômin hla sak unglân;
O, Rengpa inpâkin zâi roi;
33Irvânhai irvân khorsiang ata omhai chunga chuanga khan;
Irngai ta, ar hâi a suak e,
irhâi irkhêl tak chu.
34Pathian kuanga khan hrâtna pe roi:
A roiinpuina chu Israelhai chunga a oma,
a hrâtna chu irvân dumhaia khin a om.
35O Pathian ni hmun irthianghai ata khan ichi ni iom a ni;
ama’n Israelhai Pathian ngei khan a mihai kuang hrâtna le sinthotheina a ipêk ngai a ni.
Pathian chu inpâkin om ri se.
Currently Selected:
INPÂKNA HLAHAI 68: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
