INPÂKNA HLAHAI 67
67
Lômthu insîrna hla
Hla hruaitu hrangin; serânda chi dang danga sak zat inpâkna hla
1Pathianin lung nin kham sianlân,
sat ni vur sianlân,
A hmêl chu ei chunga zuang invârtir ri se;
2Ni lampui chu irnêng chunga mihai inhriat a ni theia,
Ni saninhringna chu nam tinrêng laia inhriat a ni theina hrangin.
3O Pathian, mi tinin nang inpâk ri sehai;
Mi tinrênghai khan nang inpâk ri sehai.
4O, nam tin chu lôm taka omin,
raifânin zâi ri sehai: Nangin mi tin chu theibîk nei loia roirêl pe’n,
Irnêng chunga nam tin chu ni iop hrang a ni.
5O Pathian, mi tinin nang inpâk ri sehai.
Mi tinrênghaiin nang inpâk ri sehai.
6Irnêng hin a thil inmong kha nang a pêka:
Pathian, ei Pathian ngei khan, sat ni vur a ti.
7Pathianin sat ni vur a ta,
Kôlkunga mi murdi khomin ama chi an ti.
Currently Selected:
INPÂKNA HLAHAI 67: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
