INPÂKNA HLAHAI 69
69
Changpui ngênna
Hla hruaitu hrangin; Sosanima sak hrang, Davida inpâkna hla
1O Pathian, ni saninhring ro;
Tuihai chu ki ring dênin a lût tâka.
2Tuichir inthûk tak, sirsan rêng rêng om loinaa,
Ki tum tîr tîr hi; Tui inthûk tak,
tui lian ni ngîmnahai, ki hong lût tâk hi.
3Ki khêkna’n ki sôl tâka; ki dang a châr zoi ta.
Ki Pathian ki nghâknaa hin ki mit a chamai zoi ta.
4 #
Ipn 35.19; Joh 15.25 Chanlamboia ni hnôlhai lak hi ki samzâi nêkin an tama;
Dikloi taka ni doia nir hmangtir tumhai chu, mi hrât tak an ni.
Ki ilâk loi khom an nin tuamtira.
5O Pathian, nangma’n chu kin nitzia hi nin hriata;
Ki thiamloinahai khom hi nangmaa thup ni mah.
6O Rengpa, sipaihai Pathian nangma nghâktuhai chu keima sikin mualinphoi nohai sianlân:
O Israelhai Pathian, nangma zongtuhai chu keima sikin inzaktirin om no ri se.
7Nangma sika insîrinsiat ki tuang sikin,
Inzakna’n ki hmâi ar khu zoi ta.
8Ki urênghai ata mikhual ki hong ni tâka,
Ki nu nâihai ata inhriat ngai loi mi ki hong ni ta.
9 #
Joh 2.17; Rom 15.3 Ni ina ki sathnem irngaina a ni fâk zoi ta;
Nangma hrilsiattuhai hrilinsiatnahai chu ki chunga an chum tâka.
10Ki chapa, bunghei puma ki hringna ki sep le,
Ama kha mi hrilinsiatna a lei ni ngai.
11Ki puan sila bora ki hmang le,
An ta hrangin siatna tiang irkhekna hong ni thiai ki ta.
12Kul mikota toihai khan ki chungchâng thu an insîra;
zû’nrui hmanghai hla ki ni tâk hi.
13Khannisianlân, O Rengpa,
keima’n chu zoro lômoma ni kuanga kêng, ki chongchai ngai:
O Pathian, ni lungkhamna irkhêl tak sikin ni saninhringna thu takin ni sâm roh.
14Tuichir ata hi ni saninzôkin lân,
nin ngîmtir viat no ro:
Ni khôkmâktuhai ata le tui inthûk tak ata hi saninzôkin nin omtir roh.
15Tui lianin ni ngîmpai no sianlân,
Tui inthûk takin nin lem sa no ri se;
khurpadop khomin a bâi nir chîp pe no ri se.
16O Rengpa, ni sâm ro;
ni lungkhamna chu a saa:
Ni inrenna irkhêlzia ang dênin keima tiang hong irhei ro.
17Ni tîrtôn ata hi ni hmâi khom thup no ro;
Ki char a donga; ni sam lat roh.
18Ki hringna hi hong nâiin, irtanin lân;
A ni doituhai ata ni saninzôk roh.
19Nangin mi ni ihrilsiatnahai,
Ki mualinphoinahai, inzaknahai hi nin hriat:
A ni doituhai chu ni makunga an om zit a ni.
20Mi ni hrilsiatna hin ki milung an siattira;
a sate’n ki bei a donga:
Khanchu lung nin khamtu hrang ki zonga,
Khannisianlân tûte om mahai;
Irtharngam ni sak hrang ki zonga,
Khannisianlân tûte hmu ma ung.
21 #
Mt 27.48; Mk 15.36; Lk 23.36; Joh 19.28-29 Ki bu hrangin i i khâ an ni pêk saa;
ki dang a châr lakin uain thûr in hrang an ni pêka.
22 #
Rom 11.9-10
An makunga an maichâm chu châng hong ni sianlân;
Irtharngam taka an om laiin bil hong ni ri se.
23An mithai chu, an hmu thei loina hrangin,
inzîngtirin hong om ri se.
An konghai chu inthingtir mai roh.
24Ni milung hoi loina tak tak chu an chunga buakin lân,
Ni ninginthik ningmurna khan anni chu chel ri se.
25 #
Tîr 1.20
An omna chu hong ram sianlân;
An puan inhaia khan tûte om no ri sehai.
26Ni izêm kha chu deng an intheia,
Ni sabêhaia milung dûk chu an insîr ngaia.
27An siatna chu siatna’n belsa’n lân:
Anni chu ni felnaa khan lût no ri sehai,
28 #
Fes 32.32; Thup 3.5; 13.8; 17.8 Anni chu hringna bu ata kâtpaiin omhai sianlân,
mi felhai laia khan irziak sa no ri se.
29Khannisianlân kei chu inriang tak le beidongom tak ki nia:
O Pathian, ni saninhringna khan hmun irsânga ni sia ri se.
30Pathian irhming chu hla’n inpâk ki ta,
Lômthu insîrin ama chu chôiindôm ki ti.
31Khaang khan chu sehrâtchal mani,
irki le kemitin nei sehrâtchal mani nêkin chu, Rengpa inlômtir ual a ti.
32Thuhnuairôlhai chu kha kha an hmua, an lôma:
Nangni Pathian zonghaio,
nin milung chu hringin om ri se.
33 Rengpa’n inrianghai chu irngaitua’n,
A mi intânghai chu hmusit ngai ma.
34Irnêng le irvânin ama kha inpâk ri sehai,
Tuikhanglianhai le a sûnga thil chângthei murdihai leh.
35Pathianin Zion chu sansuakin,
Juda khuahai chu a inding hrang a nia;
khanchu kha khan om an ta, nei zêl an ti.
36A suakhai irchihai khom khan lua an ta;
A’rhming irngaiinhluhai chu a sûnga om an ti.
Currently Selected:
INPÂKNA HLAHAI 69: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
