INPÂKNA HLAHAI 66
66
Inpâkna le lômthu’n sîrna hla
Hla hruaitu hrangin, hla, inpâkna hla
1Irnêng lua murdihaio,
Pathian chôiindômin raifân takin khêk unglân:
2A’rhming roiinpuizia chu hla’n sak suak unglân:
An pâkna chu roiinpuitir roi.
3Pathian kuang, “Ni sinthohai kha ar khêl bâka!
Ni sinthotheina irkhêlzia sikin nang a doituhai chu ni kuang irpelût an ti.
4Irnêng lua murdihai hin chubai nang mûk an ta,
Nang inpâkin zâi an ti. Ni’rhming inpâkin zâi an ti,” ti roi.
5Thoi, Pathian sinthohai hi en roi;
Mihriam nâihai chunga a sinthoa hin ichi a iom a ni.
6 #
Fes 14.21; Jos 3.14-17 Ama khan tuikhanglian chu irnêng châr an changtira;
Mihriamhai khan tuipui kha ke’n an kâia,
kha khan ama chunga ei râi a fâna.
7A sinthotheina khan kumkhua’n roi a rêla;
A mitin nam tin a en ngai:
Tehel zonghai chu chôiindôm no ri sehai.
8O, mi tinhaio, ei Pathian chu inpâk unglân,
Ama inpâkna irhâi kha inhretir roi.
9Ama khan ei hringna hi an hringtir maia,
Ei kehai hi irphêt phal mah.
10O Pathian, nangin ni ni fiaa:
Tangkarua fia angin ni ni fiaa.
11Nangin lêna ni ni hruai lûta;
Kin ruanga hin puakrik tak ni’rnghata.
12Mihriamhai, tâli chunga chuangin,
kin lu chunga nin fetira;
Mei le tui kin pala;
Khannisianlân atûn chu nangin hmun inchuma ni ni hruai suak tâka.
13Hâlirvôm thilinhlanhai leh ni ina lût ki ta,
Ki chonginkunghai kha ni kuang hlen ki ti.
14Ki hmûrin an sîra, chardonga ki om laia ki bâiin a insîrhai kha.
15Sa mar tak hâlirvôm thilinhlanhai ni kuang inhlan ki ta,
Belra chal hâl mirimhoi le;
Sechalhai, kêlhai leh inhlan ki ti.
16Thoi, Pathian chi murdihaio,
irngai roi, Khanchu ki hringna hranga a sintho chu nangni inhretir ki ti.
17Ama chu ki bâiin kin sama, Ki milei chôiindômin a oma.
18Ki milung sualna ki’rngaisakin chu Rengpa’n nir ngaitua no ni.
19Khannisianlân, Pathianin a nir ngaitua tak taka;
Ki chongchaina irhâi chu a nir ngai pe ta.
20Pathian, ki chongchaina hlo insamtir loia,
Keimaa a lungkhamna inmongtir loi chu inpâkin om ri se.
Currently Selected:
INPÂKNA HLAHAI 66: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
