INPÂKNA HLAHAI 65
65
Davida hla Inpâkna le lômthu insîrna
Hla hruaitu hrangin, Inpâkna hla
1O Pathian, Zion-a khan inpâkna’n nang a nghâk mai:
Thu’nkung chu ni kuang sua ni a ti.
2O chongchaina irngaituatu,
Ni kuang taksa murdi chu hong an ti.
3Tho’nchâinahai khan a nin hnê ngai nâkin:
Kin porinchenahai murdi nangin ni’rsunfâi ni ta;
4Mi, ni biak in hual sûng kholaihaia om thei hranga,
Ni thâna nangma tianga ni inpantir kha, a vân a sa:
Ni in satna khan khop kin ti,
Ni biak in hmun irthiang satna khan.
5O a ni saninhringtu Pathian,
Thil irkhêlhaiin fel takin ni sâm ni ta;
Nang chu kôlkunga mi murdihai le,
Tuikhanglian chung hlataka omhai iamna chu ni ni:
6Sinthotheinaa konga khita,
Mâni hrâtnaa tânghai indet ngaitu chu ni ni;
7Tuikhanglian inri dur dur,
ar sôn inri dur durhai leh,
Mipui irhel sup sup khom a’rngamtir ngaitu ni ni.
8Kôlkung monga omhai khom khan ni inhriatnahai kha an chi ngaia:
Zîng le khohloi suaknahai kha raifânin an khêktir ngai.
9Irnêng hi ni kana, tuiin nin fâa;
A saterengin nin satira;
Pathian vadung chu tuiin a sipa:
Irnêng hi khaanga ni sinsiam zoiin chu an ta hrangin bu ni siam pehai ngai.
10Loimânhai chu ruatui tamtakin nin fâa,
Tuiin nin chiea; A tânghai kha nin zortira,
Khanchu chîmu mônghai kha sat ni vur ngai.
11Kum chu ni satna nin khumtira,
Ni fena lampuihai kha thil sa’n a zung ngai.
12Ramchâra sa lêngna hmunhaia a zunga,
Tânghai khom raifânna’n an sip ngai.
13Mual le tânghai chu belra rualin an dâpa;
Phâihai chu buhaiin a’rkhu khaka,
Tinrêng râifâna khêkin hla an sak ngai.
Currently Selected:
INPÂKNA HLAHAI 65: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
