INPÂKNA HLAHAI 62
62
Pathian ienkolna ningbeiom
Hla hruaitu hrangin; Jeduthuna dânin Davida inpâkna hla
1Ki hringna hin Pathian vai a nghâka,
Ama ata ki saninhringna a hong isuak hrang a ni.
2Ama vai kha ki lungpui le a ni saninhringtu a ni:
Ki kulpui irsâng a nia; a saterengin chu inhnîng no ning.
3Nangnihai murdi’n, thatpai hrangin,
Lung bang rô inbei ang le,
irpal inrîl vâng vâng bei angin,
I dôr ten mo mi inkhat hi nin ibei hrang?
4A roiinpuina ata namtha hrang ringotin an irtia;
Milak tho hi an nuamlam tak a ni.
An bâiin sat an vura,
khannisianlân an lungrîlin khua an sâl ngai.
5Ki hringna, Pathian vai nghâk ro;
Ki sabeina hi ama kuang ata suak a ni.
6Ama vai kha ki kulpui le ki saninhringna a ni:
Ki kulpui irsâng a nia; inhnîng no ning.
7Pathian kuang ki saninhringna le ki roiinpuina a oma:
Ki hrâtna lungpui le ki zôkna chu Pathiana a om.
8Nangni mipuihaio, itiklai khomin ama kha iam unglân;
Nin milung kha a makunga bunpai roi;
Pathian chu ei hrangin inzôkna a ni.
9Mi chîn tete hi ite ni mahai,
mi lianhai khom hi milak chian an ni:
Irtênaa khan indom pat an ta;
Ite ni loi mai mai nêkin an izâng ual a ni.
10Irsualnaa hin irnghat no’n lân;
Inrûka hin sabeina se no roi.
Irchongna a pung khomin kha khan irnghat sa no roi.
11Pathianin voikhat a hrila;
E he! hi voihni kin hriat ta;
Sinthotheina hi Pathian ta a nih ti hi:
12 #
Job 34.11; Jer 17.10; Mt 16.27; Rom 2.6; Thup 2.23 O Rengpa, lungkhamna hi ni ta ngêt a ni:
Mi tin an sintho ang taka ni thuan ngai a ni.
Currently Selected:
INPÂKNA HLAHAI 62: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
