INPÂKNA HLAHAI 61
61
Saninzôk ngênna
Hla hruaitu hrangin; serândaa sak zât, Davida inpâkna hla
1O Pathian, ki khêkirhai hi lei inhria’n lân;
Ki chongchaina hi irngai roh.
2Ki milung a sôl laiin kôlkung ata nang koi ki ti:
Lungpui keima nêka irsâng uala khan ni hruaiin lân,
3Nang chu ki hrangin saninzôkna,
Doituhai ata râl enna in irsâng dettak ni nia,
4Ni puan ina khan kumkhua’n om ki ta:
Ni mitha hnuai irbîkna hmuna khan irpelût ki ti.
5O Pathian, nangma’n chu ki thu’nkunghai nir ngaituaa:
Ni’rhming chituhai ram lua chu ni pêka.
6Reng hring sûng hi insei ni ta:
A kumhai chu irlo tamtak dôr ni a ti.
7Pathian makunga kumkhua’n om mai a ti:
O, ama sûnghual theina hrangin lungkhamna le thutak sinsiam roh.
8Khanchu ki thu’nkunghai a nitin ki sua theina hrangin,
Kumkhua’n nir hming inpâkin zâi ki ti.
Currently Selected:
INPÂKNA HLAHAI 61: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
