INPÂKNA HLAHAI 63
63
Pathian irngai
Davida inpâkna hla, Judai ramchâra a om laia
1O Pathian, nang chu ki Pathian ni nia;
zîng taka nang zong ki ti:
Ramchâr tak, tui om loinaa hin ki hringna hi nangma irzukin a dangchâra,
ki taksa hin nang a irngai a ni.
2Khaang dênin hmun irthianga khan nang ki en mai kha,
Ni sinthotheina le ni roiinpuina hmu hrangin.
3Ni lungkhamna hi hringna nêkin a sa ual sikin ki hmûr hin nang inpâk ki ti.
4Khaang dênin ki hring sûngin nang inpâk ki ti:
Ni’rhmingin ki kuthai phar ki ti.
5Ki hringna hi irtin le sathâiin khop a ta,
ki bâi hin raifân hmûr irputin nang inpâk sa ki ti.
6Ki zâlhmuna nang kin hriat maia,
zâna ni chungchâng thu ki’rngaitua laiin chu.
7Nang chu ni changpuitu ni nia,
Ni mitha hnuaia raifânin ki izâi hrang a ni.
8Ki hringna hin nang a zui ngita:
Ni kut chang tiangin a ni kai ngai.
9Ki hringna inboi tuma zongtuhai rêk chu irnêng hmun irhnuaihaia khan lût an ti.
10Khandai sinthotheina kuang pêk ni an ta;
Sihalhai dongtum ni ta an ti.
11Reng rêk chu Pathiana raiinfân a ta:
Ama songa khomâkirsâm murdi khan chôiirsâng an ta;
Milak thu insîr hmanghai bâi chu hîpin a iom hrang a ni.
Currently Selected:
INPÂKNA HLAHAI 63: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
