INPÂKNA HLAHAI 60
60
Sansuak ngênna
Hla hruaitu hrangin; Susa Edutha sak hrang: Davida Miktam, irchutir hrangin: ama chu Arama-naharaimhai le Zoba-hai le an irbeia, khan, Joaba a kîra, Edom-hai nuaikkhat le sâng hni Michi phâia a that laia
1O, Pathian nangin ni nin thaa, ni nin siata;
Ni ning ni lei inmur tâka;
O, ni kaithoi inngîr nôk roh.
2Hi ram hi nin hnîngtira; nin kaktir tâka:
A kakhai kha siam insa nôkin lân; an hnîng an hnînga.
3Ni mihai hi thil ngar tak nin tongtira:
Lu’nhnâina uain chu ni nin intir tâka.
4Nangma chituhai kuang chu puanzâr ni pêk tâka,
Thutak sika zâr a ni theina hrangin.
5Ni indit takhai hi saninzôka an om theina hrangin,
Ni kut chang tiang saninhringin lân, ni sâm roh.
6Pathianin a’rthiangnaa khan hiang hin an sîra,
“Lôm ki ta: Sekem khua chu sem ki ta,
Sukoth phâi chu semindarh sa ki ti.
7Gilead ram chu ki ta a nia,
Manasea ram khom ki ta a ni;
Efraima ram khom kha ki lu inzôkna a nia;
Juda ram chu ki rêng khianghrol a ni.
8Moab ram chu ki irsilna bêl a nia;
Edom rama khan ki kekok pai ki ti:
Filistia ram, nang chu keima sika hin khêk ro ba,” tiin.
9Khopui det taka khan tu’n mo a ni hruai inlût hrang?
Edom rama khan tu’n mo a ni hruai hrang?
10O Pathian, nangma ngeiin ni ni inthâ mo ni ma?
O Pathian, kin sipaihai kuang lak suak ta mak chea.
11Doituhai bei hrangin ni changpuiin lân,
Mihriam changpuina chu ite ni loi a nia.
12Pathian zâra hâitakin tho ei ti:
Ama chu a ni doituhai sirbêtu hrang a nia.
Currently Selected:
INPÂKNA HLAHAI 60: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
