INPÂKNA HLAHAI 58
58
Mi sual hrem hranga ngênna
Hla hruaitu hrangin; Al-tashhethsak hrang Davida inpâkna hla: Miktam
1O, roirêltuhai, felna thu mo nin hril tak tak?
O mihriam nâihaio, dik takin mo roi nin rêl?
2A ni, nin milungin chu thil sual tak nin tho ngaia;
Irnênga nin kuta thil saloi taka tho kha nin var ngaia.
3Mi pualoihai chu an nu sûng rengata Pathian ata senin an oma:
An suak zoi le milak thu insîrin an rot ngai.
4An tûr chu mirûl tûr ang a nia:
Rûlriha#58.4: Rûlriha ti hi rûlsok lei ti kha a nia, mirûl chi khat a ni.
kuarsêt, a mikuar hîp ngai ang chu an ni;
5Kha khan mirûl dôi sak theihai
irhâi chu irngai ngai mah,
I anga thei khomin indôi khom sianlân,
6O Pathian, an bâia khan an hâhai chu inthing pe’n lân:
O Rengpa, kâmkeibaknei vânglaihai ha lian tak takhai chu kher suak ro.
7Anni chu tui hrât taka luang angin luangpaihai sianlân:
Hloisûl angin sirsôpin chuai ri se.
8Ârterko, tuia a iboi ngai ang hi ni sianlân:
A zoro loia nupang nâi nei,
misa hmêl rêng rêng hmu loi ang hi ni ri se.
9An inhriat mân ngeiin,
anni chu ilhling kung angin sâtin om an ta;
An hring lai ngeiin Pathianin a ningmurna irkhêl takin, sêm irhmang a ti.
10Mi felin chu phuba lâkna a hmu’n lôm a ta:
Mi pualoi thisena khan a ke chu irsûk a ti.
11Khanchu mihaiin, “Mi fel hrangin chu lômman a lei om tak taka:
Irnênga hin roirêltu Pathian a lei om tak tak a ni hi,” ti an ti.
Currently Selected:
INPÂKNA HLAHAI 58: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
