INPÂKNA HLAHAI 57
57
Changpui ngênna
Hla hruaitu hrangin; Al-tashheth sak hrang, Davida inpâkna hla: Miktam: Saula ata khura a rot laiaa
1O Pathian, lung nin kham ro,
lung nin kham ro; Ki hringna hi nangmaa khan a tûk lûta:
A ni, ni mitha hnuaia khan lômna zong ki ti,
vânduainahai hi ar kiang mâka chu.
2Pathian Anchungtak chu insam ki ti;
Pathian itinrêng ni tho petu chu.
3Nin lem zoi tumtu chu a ni hrilinsiat tika,
Ama khan irvân ata zuang tîr a ta, ni saninhring a ti.
Pathianin a lungkhamna le thutak chu zuang tîr suak a ti.
4Ki hringna hi kâmkeibaknei kuang a oma;
Mihriam nâihai fa’rhmangna laia khan ki oma.
An hâhai chu ufei le thal ang a nia,
An milei lak khandai ngaihtak a ang.
5O Pathian, nang chu irvân khêl tiang khin chôiindômin omin lân,
6Ki ke in-ôkna hrangin lên an dâpa;
Ki hringna hi a kûn chian chiana:
ki matona khurpadop an choia;
Anni ngei a laitaka an tâk tâka.
7Ki milung hi a idet a ni,
O Pathian, Ki milung hi a idet a ni.
Hla sak ki ta, a ni, inpâkna hla sak ki ti.
8Ki roiinpuina, har ro; perkhuang serândahaio,
har roi: Kei chu zîng taka har ki ti.
9O Rengpa, mi tinhai laia lômthu nang hril ki ti:
Nam tin laia nangma inpâkin zâi ki ti.
10Ni lungkhamna chu irvân phâk rak ang dôr a nia,
Ni thutak chu irvân dum phâk rak ang dôr a ni.
11O Pathian, nang chu irvân khêl raka khin chôiindômin lei omin lân,
Ni roiinpuina chu irnêng murdi chunga hin lei om ri se.
Currently Selected:
INPÂKNA HLAHAI 57: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
