INPÂKNA HLAHAI 56
56
Pathian iam chongchaina
Hla hruaitu hrangin; Jonath-elemrehokima sak hrang, Davida inpâkna hla: Miktam: Filistia-haiin Gath khuaa an chel laia
1O Pathian, lung nin kham ro;
mihriamin nin lem zoi an tuma:
Sûn sôtin ni beiin an ni nêpsia ngai.
2Ki ikhôkmâkhaiin sûn sôtin nin lem zoi an tuma:
Lârirpâk taka ni beituhai hi an tama:
3Ki chi rikipin, nangma nang iam ki ti.
4Pathian ki iama, a thu inpâk ki ta:
Pathian ki iama, chi no ning;
Taksa’n imo a ni iti thei hrang?
5Sûn sôtin ki thuhai chu an lâk kôi ngaia;
An ngaituana murdi chu ki satloina tiang inzen a ni.
6An inkhôma, an irbîka,
ki hnunghai an irsinsia ngaia,
Ki hringna inboi tuma an inghak ngai ang hin.
7An sual hremna an ilôi thei hrang ma ni?
O Pathian, ninginmurin mi tin chu irhniamtir roh.
8Nangin chu kin vâinahai hi ni’rsinsia ngaia:
Ki mitrithihai hi ni savun koka khan thun ro;
Ni lekhabua a ichuang intam mo ni ma?
9Nang ki koi zoro ngeia khan a ni doituhai chu rot an ti:
Hi hi kin hriat Pathian ni thop hi.
10Pathiana khan a thu inpâk ki ta:
Rengpaa khan a thu inpâk ki ti.
11Pathian ki iama, chi no ning;
Mihriamin imo an ni iti thei hrang?
12O Pathian, ni kuang chong inkunghai ki neia:
Lôm thu’nsîr irbôlnahaiin nang thuan ki ti.
13Ki hringna hi thina ata ni saninzôk tâka:
Ki kehai hi tûk loi hrangin ni isaninzôk tâk mo ni ma?
Mihring vâra hin Pathian makunga ki lêng theina hrangin.
Currently Selected:
INPÂKNA HLAHAI 56: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
