INPÂKNA HLAHAI 55
55
Rualhai hnôlin Pathian kuanga chongchai
Hla hruaitu hrangin; serânda chi dang danga sak chi Davida Maskil
1O Pathian, ki chongchainaa hin ni bêng zuang do’n lân;
Lungkham ki ngênnaa hin irthup no roh.
2Irngaiin lân, ni sâm roh:
Ki lunginzîngna sikin ki’rvêl ruaia, kin hrûm ngai;
3Ni doituhai irhai sikin,
mi pualoihai nêpsiana sikin:
Anni khan buaina ki chunga an intunga;
Ningmurin deng an nin theitira.
4Ki sûnga hin ki lungrîl a na tak taka,
Thina irkhêlnahai khan a ni dela.
5Chitna le irlo inthingna’n a ni dea,
Irtha tâkna’n a nir khu zoi ta.
6Khanchu, “Vasu angin mitha nei inlân chu o!
Khanchu vuang pat ki ta,
irtharngam takin om ta ki ti.
7Irngai ta, hlataka lêng ki ta,
Ramchâra om ki ti.
8Khorthi le phâivopui hi,
Irbîkna hmuna rotsan lat ki ta,” ki tia.
9O Rengpa, an milei chu insiatin intertir ro:
Khopuia chu irnêpsiana le irhmumâkna ki hmua.
10A sûn a zânin khopui chu an vêl an vêla:
A sûnga chu sualna le intakna a om sa.
11Siatna a sûnga a oma: Huangna le milakna khan a kholâi kha suaksan ngai mah.
12Ni hrilsiattu chu râl ni maka;
Ni sianlân chu, tuang thei ual ki ta:
Ki chunga omliantu chu a ni khôkmâktu ni ual mah;
Ni sianlân chu, ki irbîksan hrang pial te:
13Khannisianlân nang, ki mi ir-angpui,
Ki rual, ki rual irnaipui ni nia.
14Bâi thum takin ei irbiak ngaia,
Mipui laia Pathian biak ina ei lêng ngai kha.
15Thina an chunga zuang tung thut sianlân,
Khurpadopa khan a hring pumin chum ri se:
Siatnahai kha an omnaa le an sûnghaia a oma.
16Keima’n chu Pathian koi ki ta;
Khanchu Rengpa’n ni saninhring a ti.
17Khohloi hai, zînga hai, sûna hai,
ki lunginzîngna thu kin sîrin inrûm ki ta:
Khanchu, ama’n ki’rhâi irngai a ti.
18Ki chunga a ni beina irthokin,
Ki hringna hi irtharngam takin a saninzôk tâka:
A ni beituhai an tam sikin.
19Pathian, tianlai ata om mai khan,
Irngaitua a ta, sâmhai a ti,
Danglamna nei ngai loi, Pathian chi ngai loihai chu.
20Ama le irngeihai chunga khan a kut an leka:
A thuthung chu an siat tâka.
21A bâi chu sahriak angin a tora,
A milung chu irdoina a nia:
A thuhai chu sahriak nêkin ar nâla,
Khannisianlân khandai phôisaihai a ni.
22Ni puakrik chu Rengpa chunga irnghatin lân,
Khanchu ama’n nang inhrât a ti;
Mi fel chu itiklai khom inhnîngtir phal no ni.
23Khannisianlân, O Pathian,
nangin anni chu irhmangna khurpadopa khan inchumtir ni ti:
Thisen insua ngai mihai chu an hring sûng chimrip khom hring zoi no nihai.
Keima’n chu nang iam ki ti.
Currently Selected:
INPÂKNA HLAHAI 55: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
