INPÂKNA HLAHAI 54
54
Khôkmâkhai ata enkol hranga ngênna
Hla hruaitu hrangin; serânda chi dang danga sak chi, Davida Maskil: Zip-haiin Saula kuang, “Davida ei kuang a irbîk loi ma ni?” an hong ti laia
1O Pathian, nir hmingin ni saninhringin lân,
Ni hrâtna’n roi ni rêl pe roh.
2O Pathian ki chongchaina hi irngaiin lân;
Ki bâia thu suakhai hin ni mikuar sung roh.
3Mikhualhaiin an ni bei tâka,
Mi nunrônghaiin ki hringna hi inboi tumin an zong saa:
Pathian chu an matona se mahai.
4Irngai ta, Pathian chu ni changpuitu a nia:
Rengpa chu ki hringna cheltuhai laia mi a ni.
5Ama khan ki sualna chu ki khôkmâkhai chunga thuan a ti:
Nangin anni chu ni thu takna sika khan inboipai roh.
6Mâni nuama irchamin thilinhlanin ni kuang irbôl ki ti;
O Rengpa, nir hming chu inpâk ki ti, a sa sikin.
7Ki lunginzîngna murdia khan ni ni sansuak tâka;
A ni doituhai chunga ki nuamlam chu ki mitin a hmu tâk a ni.
Currently Selected:
INPÂKNA HLAHAI 54: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
