THUVÂRHAI 9
9
Vârna le intona
1Vârna khan in a sina, a chopui sari a phuna. 2Hruaithena hrangin a thil hringhai a thata, uain a pola, khalâi an irfûka. 3A tirtôn dôngmatehai a tîra, khopui hmun irsângna taka khêka: 4“Tho hong roi, inmôlhai!” ti hrangin. Khante, intohai kuanga khan, 5“Tho hongin lân, ki bai hong fa’n lân, ki uain irpol hong in roh. 6Nin môlna kha masanin lân, hring ro. Khante, inhriatna lampui kha zui ro,” tiin.
7Hmusit ngai mi ni hrilin chu nang phengsan a ta, mi pualoi ni ngo’n chu kuttum tuangna ni ti. 8Khasikin, mi hmusit ngai mi hril no ro; nang hmumâk a ti. Khannisianlân, mi vâr ni hrilin chu mahrip nang tho a ti. 9Mi vâr kuanga ni thu’nsîr murdi khan invârtir ual a ta; mi fel kuanga ni thuhril murdi khan an hriatna irbôktir pe a ti.
10 #
Job 28.28; Ipn 111.10; Thuv 1.7 Rengpa chi hi inhriatna bul a ni. Mi irthiang inhriat hi inhriat thiamna dik a ni. 11Vârna’n ni hring sûng kum irbôktir a ti. 12Ni vârin chu nangma inlâp ni ta, khan vârna ni hnôlin chu nangma vai tuang ni ti.
13Intona chu nupang zakboi,#9.13: Hi irchâng hi Hebraiin fel ma. a om pai pai ang kha a ni. 14A mikot bula a toi ngaia, khua hmun irsânghaia a toia; 15mâni sintum chit ngaituaa theng irlôi murdihai a lei koia: 16Mi’nmôlhai, hi tiang hong roi!” tiin. 17Khan, inhriatna nei loi mihai kuang khan, “Inrûk tui chu a thum uala, inrûk bai khom ar hnik ual,” a tia. 18Khannisianlân, anni khan khanu ina fe kai chu an thia, a lei lût tâk kai chu thina ram rîla an om ngai ti inhre viat mah.
Currently Selected:
THUVÂRHAI 9: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
