THUVÂRHAI 10
10
Solomona thuvârhai
1Solomona thuvârhai:
Nâipa vârin a pa lômna hrang a siama;
nâipa intô rêkin chu a nu beidongna an tungtir ngai.
2Dik loitaka irchon ni ibûm khan nang siam insa no nia,
dikna rêkin chu thina ata a hringna a sansuak ngai.
3 Rengpa khan mi sahai chu phîngchâm an tuang hrang phal no nia,
mi pualoihai chu an inuam inthang an hmu loina hrangin khâipaihai a ti.
4Thaboina khan inriangin nang siam a ta,
takirtâina rêkin chu nang irchongtir a ti.
5Mi vâr khan bôlzoi laiin bu a buk khôm ngaia;
bukkhôm zoroa zâlthangdâr tho chu mualinphoina a ni.
6Mi sain chu satvurna dong a ti.
Mi pualoi chong chu nunrôngna a kop sa ngai.
7Mi sahai inhriat maina chu satvurna ni a ta,
mi siahai irhming rêk chu irnghilin om zôi zel a ti.
8Inhriatna nei mihai khan irchutirna sa an dong ngai.
Mi’nto chong tam rêk chu irhmang an ti.
9Mi dikhai chu an zôk diai ngaia,
mi dikloihai chu ichelin om an ti.
10Tukhom thudik thuptuhaiin buaina an tungtira,
tukhom irchong taka sêltu chu irngeina siam a ni.
11Mi dik chongbâi sa chu hringna hnâr an nia,
mi pualoi chongbâi chu nunrôngna isip a ni.
12 #
Jak 5.20; 1 Pet 4.8 Hnôlna khan buaina an suaktira,
lungthungna chu tho’nsualna murdi a’rkhupai ngai.
13Mi vârhaiin omzia omin an chonga,
mi’ntohai rêk chu hrem an inang a ni:
14Mi vârhai khan inhriatna an buk khôma,
mi’nto a chongin chu buaina a kêlsua ngai a ni.
15Irchon hi irchonghai ngîrsuakna a nia,
inrianghai irhmangna chu an inriangna hi a ni.
16Sin sa lômman chu hringna a nia,
sualna rêkin chu sual ualna tiang a hruai ngai.
17Hrilna pomtuhai kai hring an ta,
mâni sualna pom nuam loihai chu an tho’nchâi mai ngai.
18Mi a hmumâkna thuptu chu milak a nia;
mi insîrinsiat ngaitu rêk chu mi’nto a ni.
19Mi a chong tam dôr a chong insual ngai.
Mi vârin chu a dâihrek ngai.
20Mi sa chonghai chu tangkarua satak ang kha a nia;
mi pualoi ngaituana chu teproboi a ni.
21Mi sa chonghai khan mi tamtak a siam insatir ngaia,
invêtna rêkin chu mâni thina an tungtir ngai.
22 Rengpa satvurna khan ar chongtir ngai.
Sin hrâtna ringotin irchongtir thei ual no ni.
23Thil sual sina raiinfân hi intô sin a ni.
Mi bengvârhai lômna chu mi an lômtir ngai.
24Mi felhai chu an thil nuam inthanghai an hmu ngaia,
mi siahai rêk chu an ichi tak kha an chunga tung a ti.
25Sim phâivua a hong thoa,
mi siahai kha a sêm irhmangtira,
mi dikhai chu an zôk thei ngai.
26Hâ hranga uain thûr le mit hranga meikhu angin mi thaboi chu a tîrtu hrangin ni a ti.
27 Rengpa chitna khan hring sôt an ta;
mi siahai rêk chu an zoro chuk mân an thi ngai.
28Mi sahai tûngna chu lômna tiang a pana,
mi siahai maton rêk chu irhmangna a ni.
29 Rengpa khan mi dikhai chu a hrung ngaia;
thil sual sinhai chu ar hmangtir ngai.
30Mi felhai chu indetin om mai an ta,
mi siahai chu irnêng chunga hin hoitakin om no nihai.
31Mi felhai bâia khan vârna thu a hril suak ngaia;
milei, siatna ngai chu tanpaiin om a ti.
32Mi felhaiin chu ipom thei thu hril hrang an inhriata,
mi siahaiin chu mi milung siatna hrang vai an hril ngai.
Currently Selected:
THUVÂRHAI 10: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
