THUVÂRHAI 4
4
Vârna inlâpzia
1Ki nâipasalhai, nin pa nangni irchûtirna chu irngai roi. Nin mikuar sung unglân, inhriat thiamna hong nei nin ti. 2Irchûtirna diktak nangni ki ipêk a ni; khasikin an rêngin vong mai roi. 3Ka pa ta hranga pasal ki nia, ka nu mithmua chu nâikhât anga indot ki nia, 4ka pa’n a nir chutira, hiang hin a ti ngai, “Ki thuhai hi inhre maiin lân, irnghil viat no ro. Ki thupêkhai angin omin lân, khanchu hring ni ti. 5Vârna le inhriat thiamna nei inlân! Ki thupêkhai irnghilin, uksak loiin om no ro. 6Vârna hnungsongsan no ro, khanchu nang hrung mai a ti; lungthungin lân, nang sûnghual a ti. 7Vârna vai hi thupui taka ni inei hrang a ni. Ni thil nei murdi inchân zit khomin inhriat thiamna nei mai ro. 8Vârna hi lungthung inlân, nang chôiirsâng a ti. Inhlu’n lân, mânlianna nang inchang pe a ti. 9Nangma hrangin roiinpuina rênglukhum ni a ti”.
10Ki nâipa, keima tiang ni mikuar sung ro. Ki thupêkhai pomin lân, khanchu ni hring sôt a ti. 11Vârna nang ki’rchutira, satna tiang nang ki ihruai a ni. 12Vâr takin ni fe’n chu ni lampuia ite’n nang khal thei no nia, nin tân khomin tûk no chi ni. 13Ni irchu murdi inhre maiin lân, ni thiamna kha ni hringna a nia, vong mai ro. 14Mi sualhai lampuia khan fe no’n lân, mi sualhai nunchan khom zui no ro. 15Tho no ro! Siatna ata irkêm ro! Hnung songsanin lân, ni lampuia fe chian ro. 16Mi siahai chu siat an sin no zelin chu in thei ngai mahai. Tuhai siatna hrang mani lua an intung pehai no’n chu an in khom mu thei ngai mah. 17Siatna le nunrôngna kha an ta hrangin chu bu le anh ang a ni.
18Mi felhai lampui chu zîng kôl misa suak, sûn laitak a ni mâka hong vâr tîr tîr ngai ang kha a ni. 19Mi siahai lampui rêk chu zân angin a zînga, an tûka, imo an irfûi hrang inhre ngai mahai.
20Ki nâipa, ki chong irngaiin lân, ki thu’nsîra hin ni mikuar sung ro. 21Ni kuanga irthokin irkiang hrang phal viat no’n lân, ni lungrîla hrê maiin vong mai ro. 22An hriat thiamhai hrangin hringna a nia, a taksa murdi hrang khomin hrisêlna a ni ngai. 23Thil dang nêkin ni lungrîl vêng insa ro; hringna hong suakna kêng a ini. 24Minlak tho viat no’n lân, chong chanlamboihai hril no ro. 25Sabeina diktak neipumin mân tiang thîrin lân; mualinphoina tiang irnghat no ro. 26#Heb 12.13 Ni sin hrang chu satakin ngaitua’n lân, khanchu ni sinna murdi hlochuk a ti. 27Sualna hnung songsanin lân, intûn takin mân tiang fe ro. Lampui dika irthokin vei tiang mani, chang tiang mani pêt viat no roh.
Currently Selected:
THUVÂRHAI 4: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
