THUVÂRHAI 3
3
Thuzôm hranga chongbe
1Ki nâipa, nang ki irchûtirhai hi irnghil viat no’n lân, ni lungrîla ki thupêkhai hi vong mai ro; 2hring dam sôtna le tuanintungnahai nang pe a ti. 3Iamomna le lungkhamna kha inthâ viat no’n lân, ni ringa inhli maiin lân, ni lungrîl phêka irziak ro. 4#Lk 2.52 Khanchu, Pathian le mihriam mit tungin hong om ni ti.
5Ni lungrîl murdi’n Rengpa iamin lân, nangma inhriatnaa irnghat no ro. 6Ni sintho murdia Rengpa inhre maiin lân, ama’n lampui dik nang irhmutir a ti. 7#Rom 12.16 Nangma irngaiin ki vâr irti no’n lân, Rengpa thu vai zômin lân, sual hnung songsan ro. 8Khanchu, ni taksa hrangin hrisêlna ni a ta, ni ru hrangin irtin ni a ti. 9Ni sum le ni thil invâng a satakhaia khan Rengpa chu chôiindôm roh. 10Khanchu, ni fasiar kha buhaiin hong sip a ta, ni isômna khurhai chu uain tharin luang liam a ti.
11 #
Job 5.17
Ki nâipa, Rengpa’n nang a isepna kha ngainêp no’n lân, irdînna chongin bê ro. #Heb 12.5-6 12#Thup 3.19 Rengpa’n lung a ithunghai chu a sep ngai, pa’n nâi a ilômhai a isephai ngai anga hin. 13Mi vâr hong nia, inhriat thiamna nei irzat mi chu a râlvân a sa. 14Tangkarua inlâpna nêkin an lâpa; rângachak nêk khomin a hlu ual. 15Vârna chu lunghlu nêk khomin a hlu uala; thil ni inuam murdi inthang khomin irkhî thei ni no ni. 16Vârna khan dam sôtna nang pe a ta, khabana irchon le roiinpuina khom nang insiltir sa a ti. 17Vârna khan ni hringnun chu hring khonhoina siam a ta, irtharngamna’n nang hruai mai a ti. 18Mi vârhai chu an vân a sa, vârna khan hringna pe a ti.
19Rengpaa khan vârnain irnêng a siama; inhriatna’n irvân khi a om hmuna a isia a ni. 20Ama vârna’n tuidung an luangtira, sûmhaiin irnênga rotui inthotir hrangin.
21Ki nâipa, vârna le ngaitua thiamna kha vong maiin lân, ni kuanga irthokin irkiang hrangin phal viat no ro. 22Hringna nang pe a ta, a ni, hoina le raifânna hringnun nang pe sa a ti. 23Khanchu, ni lampuia dam zanin fe thei ni ta, tûk thei no chi ni. 24Ni zâl tika khom chi no chi#3.24: Siatna, insiatna. nia, a ni, zâl ni ta, zânkhovârin irhnik takin in ni ti. 25Irningloia siatna hong omhaia khom ni milung dûk tuang no nia, mi siahai chunga phâivopui angin ramna a hong tung khomin chi no chi ni. 26Rengpa khan nang sûnghual mai a ta, ama khan chânga irkhit hrang nang phal no ni.
27Itiklai khomin ni thei ngânin chu changpui innanghai chunga sin sa tho mai ro. 28Ni tualbômhai kuang atûna changpui thei chakin an tûk nghâk ta no ro. 29Ni tualbômhai chunga ite thil saloi tho phan no ro; ningbeiira ni kôla a iom kêng. 30Chanlamboiin tûte irngopui no ro; ni chunga ite a tho’nchâi no’n chu. 31Mi nunrônghai irzukhai no’n lân, an om dân anga om khom tum no ro. 32Rengpa khan sual sin mihai kha a hnôl ngaia, mi felhai chu rual angin a bêhai ngai. 33Rengpa khan mi siathai ina chu khosâltongna a siaa, khannisianlân, mi felhai in chu sat a vur ngai. 34#Jak 4.6; 1 Pet 5.5 Mi lârirpâkhai chu a hmusit ngaia, irngaiintômhai chu ditsakna a pêkhai ngai. 35Mi vârhai khan roiinpuina dong an ta, intohai chu mualphoina vai tong an ti.
Currently Selected:
THUVÂRHAI 3: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
