THUVÂRHAI 30
30
Agura thuvâr
1Jakea nâipa Agura chongchai: Thuvâr#30.1: Thuvâr, rêng ama doi thei tûte om loi a ni. chu
“Pathian ki kuang om ta ma,
Pathian ki kuang om ta ma,
Pathian ki kuang om ta ma,
changpui innang ki ni”.
2A mihriam laia sa ang kha ki nia;
mihriamin inhriat thiamna an inei hi nei ma ung.
3Vârna lei irchû ma unga,
Pathian inhriatna khom ite nei ma ung.
4Tu mo irvâna luia zuang chum nôk tâk?
Tu mo a kuta phâivua chel thei?
Tu mo puan hlektea tui infûn thei?
Tu mo kôlkung murdi indettir?
Tu mo a ini?
Tu mo a nâipa kha nin hriat mo?
5 Rengpa thu chu thudik a nih ti fia a ni tâk.
ama zongtu murdihai hrangin ama chu pho a ni.
6A chonghai chu bôk sa no ro,
khano’nchu nang hal a ta,
milak ni itho inlang a ti.
Thuvâr danghai
7O Pathian, thil inhni nang ki ngên,
ki thi mân nin neitir ngêt ro:
8milaknaa irthokin ni sûnghualin lân,
irchongna mani inriangna mani ni pe no ro.
Ki rukbakin fâk ni pe roh.
9khano’nchu ki nei hraiin nang ki phil itinin.
A ninole kin riang hrai khomin mi ta kin rûkin ki Pathian mualphoi ki sak itinin.
10Suak kha a pu makunga dem no roh.
Khua nang sâl a ta,
ni tuang itinin.
11Mi senkhat an pahai khua sâla an nuhai ngaisak loi an om.
12Mi senkhat anni irngaiin irthiang an irtia,
an porinche thei dôra porinche an om.
13Mi senkhat anni irngaia sa oka irbe an oma,
o, i dôra sa’n mo an irbe tâkna!
14Mi senkhat chu an hahai khandai ang le an haphoihai chemte anga ngaih an oma;
irnêng ata inrianghai le mihriam lai ata irsamhai invol irhmang hrangin.
15“Ni pe ro, ni pe ro” tia khêk nâinupang tuirivot nei a oma.
Thil minli ‘khop tik’ zel nei loi an om:
16thân bâi inruak nupang ching,
tui hmu loi irnêng châr le,
mei chok vung vung an ni.
17A pa hmusittu le a nu êrotu mit chu phâi vaâkin kêlsua an ta,
raikosohaiin#30.17: Raikoso ti hi irmu ang chiea lian le, irmu anga om a ni. fa an ti.
18Ki inhriat thei loi thil minli an om:
19Vânlaizôla irmupui lampui,
lungpherpha chunga mirûl lampui,
tuikhangliana irkuang lampui le pasal le nupang lungirthung lampuihai.
20Khaang khan a ni, nupang uire ngai lampui khom kha:
a fâka, a hmûr a hui vinga,
“Thil sual ite tho ma ung,” a ti ngai.
21Thil minli irnêng khomin a ituang zoi thei loi a om:
22suak kha rêng a hong niin,
into a hong irchongin,
23nupang nunsia pasal a hong neiin le suak nupang a pi hmun a hong thûlin.
24Thilhring chînte te minli irnêng chunga hin an oma,
khannisianlân, vâr ta taka vâr an ni:
25Siknghîrhai hi hrât loi tak an nia,
khannisian an fâk hrang kholum laiin an bûm zit ngai.
26Mizupuihai khom hi hrât loi tak an nia,
khannisian lungpuihaia an omna an siam ngai.
27Khâihai hin rêng nei mahaia,
khannisian a hlopin an fe ngai.
28Innghâktehai hi kutpâra chel rip thei an nia,
khannisian rêng ina an om ngai.
29Thil minli an lôn dân le an omdâna roiinpui enhoi an om:
30kâmkeibaknei, ramsa laia a hrât tak le ite’n laizâm an inthotir thei loi;
31Kêlchal, ui sathei le rênghai an mipuihai makunga lôn hi a ni.
32Intô taka ni lei irpâk tâk mani,
a ninole thil saloi ni lei ngaitua tâk mani a ni’n chu ni bâi hîpin lân,
dâihrek roh.
33Dût in-ôtin makhon an changtira,
hnârdôn irchûmin hnâr thi a insua ngai ang khan,
ningmur insuaktirin chu irsualna an suaktir ngai.
Currently Selected:
THUVÂRHAI 30: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
