THUVÂRHAI 31
31
Reng kuanga irchutirna
1Reng Lemuela kuang a nu irchutirna chong, thuvârhai kha an ni: 2ki nâipa, o ki rîla ra, ki chonginkung nâi, irngai ro. 3Ni hrâtna hi nupang kuang pe no’n lân; ni hringna khom rêng insiat ngaituhai kuang pe no ro. 4O Lemuel, irngai roh. Rengin zu a in hrang ni ma. 5An inin chu dân irnghil an ta, dengtheihai chunga roirêlna dik hmang thei no ni. 6Zu chu mi beiindonghai le a’rhmang chianhai hrang a ni. 7In sianlân, an inriangna le an beidongna irnghil ri se.
8“Mi, mâni ta hranga hmûrbâi nei thei loihai hrangin chongin lân, changpui innanghai chungchâng thuhaia khan. 9An ta hrangin chongin lân, fel takin roirêl ro. Inriang le irsamhai chunga dik takin roirêl roh.
Dôngma fel
10Nupang fel tu mo hmu thei hrang?
Lunghlu tamtak nêk khomin a hlu ual.
11A pasal lungrîl khan a iam zoia,
irsamna rêng rêng nei no ni.
12A hring sûngin a pasal hrangin siatna tiang ni loiin satna tiang inzen sin a tho pe ngai.
13Samul le pathai a zonga,
irthafân takin a kutin a sin ngai.
14Bepâr mi irkuang ang kha a nia,
ram hlatak ata fâkrua a hong chôi ngai.
15Âr a khuangin a thoia,
a in sûng mihai hrang bu anh a thoa;
a siahlo nupanghai kuang an sin hrang a hril ngai.
16Loimân hrang a ngaituaa,
ar chôka; khanchu a kut ngeia a sum insuaka khan grep irhuan a siam ngai.
17Takirtâi takin sin a thoa,
a kuthai an hrâttir ngai.
18Ama thilsiamhai hlutzia an hriata,
zân insang ra rakin sin a tho ngai.
19A kutin pathai a khera,
puanhai a không ngai.
20Inrianghai tiang a tik an hoitira,
a ni, changpui innanghai tiang a kut an zar ngai.
21A in mihai murdi puan lum an siltirhai ngai.
22Puantha irkhu enhoi tak a siama,
a silkai chu patzâi irhmi le puan senduk a ni.
23a pasal chu mipui kâra ram dang ulianhai leh an toi lai khomin mi imahrip tak a ni ngai.
24Puan sahaiin silkai le kongkhithai a siama,
bepâr mihai kuang a zuar ngai.
25A silkai chu hrâtna le roiinpuina a nia,
sûnmaton tiang la hong tung hrang khom chi ngai ma.
26Lungrîl ir-ial takin vârna’n a chong suak ngai.
27An in sûng lêng dân en a hoia,
ar tha rêng rêng inboi ngai ma.
28A nâihaiin an irngaiinnatzia an inlangtira,
a pasal khomin an pâk ngai.
29“Nupang tamtak dôngma sa an oma,
khannisian nangma dôra sa chu om mah,” a ti ngai.
30Inditomna hi huangna a nia,
hmêl satna khom hi chanlamboi a ni;
Rengpa chitu nupang rêk chu inpâkin om a ti.
31A kut sin ra chu pe’n lân,
a sintho sika khan mi tin tinin inpâk ri sehai.
Currently Selected:
THUVÂRHAI 31: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
