Popular Bible Verses from THUVÂRHAI 3

Share

Ni lungrîl murdi’n RENGPA iamin lân, nangma inhriatnaa irnghat no ro. Ni sintho murdia RENGPA inhre maiin lân, ama’n lampui dik nang irhmutir a ti.

Nangma irngaiin ki vâr irti no’n lân, RENGPA thu vai zômin lân, sual hnung songsan ro.

Ni sum le ni thil invâng a satakhaia khan RENGPA chu chôiindôm roh. Khanchu, ni fasiar kha buhaiin hong sip a ta, ni isômna khurhai chu uain tharin luang liam a ti.

Iamomna le lungkhamna kha inthâ viat no’n lân, ni ringa inhli maiin lân, ni lungrîl phêka irziak ro.

Ki nâipa, RENGPA’N nang a isepna kha ngainêp no’n lân, irdînna chongin bê ro. RENGPA’N lung a ithunghai chu a sep ngai, pa’n nâi a ilômhai a isephai ngai anga hin.

Ki nâipa, nang ki irchûtirhai hi irnghil viat no’n lân, ni lungrîla ki thupêkhai hi vong mai ro; hring dam sôtna le tuanintungnahai nang pe a ti.

Mi vâr hong nia, inhriat thiamna nei irzat mi chu a râlvân a sa. Tangkarua inlâpna nêkin an lâpa; rângachak nêk khomin a hlu ual. Vârna chu lunghlu nêk khomin a hlu uala; thil ni inuam murdi inthang khomin irkhî thei ni no ni.

Itiklai khomin ni thei ngânin chu changpui innanghai chunga sin sa tho mai ro.

RENGPAA khan vârnain irnêng a siama; inhriatna’n irvân khi a om hmuna a isia a ni.