THUVÂRHAI 28
28
1Mi siahai chu tûte’n irzûl loiin laizâm an tho ngaia,
mi felhai rêk chu kâmkeibaknei angin an hâi ngai.
2Ramin a tho’nsualin chu hruaitu an irthûl zut zut ngai.
Hruaitu, inhriatna nei le inhriat thiamna nei an omin chu ram an ding insôt ngai.
3Irchamnei mi, inrianghai dengintheitir ngai chu chîmu tinrêng insiat irhmang zit ngai ro pheikôi hrât ang a ni.
4Dân ngaisak loihaiin chu mi siahai an inzôk ngaia;
dân zômhai rêkin chu an indôp ngai.
5Mi saloihai khan dikna inhre thiam ngai mahaia,
Rengpa chubai mûktuhai vaiin an inhriat thiam ngai.
6Irchong, omlam dik loia om nêkin chu inriang omlam dik taka om chu a sa ual.
7Ruatharte, dân zômtu chu mi vâr a nia;
tukhom nuamninga om ngaihai ruala siam chu a mualinphoina an tung pe ngai.
8A pung irzûl le a sum inpungtu chu,
mi inriang inrentu hrangin a irtik pe a ni.
9Dân zôm nuam loi chu a chongchaina khom intirom a ni.
10Mi sa sual sin hranga lam dikloia hruai
irhmangtu chu mâni châng kamna nâka khit a ti.
Mi satirkiphai rêk chu lômman satak dong a ti.
11Irchonghai chu vârin an irbe ngaia,
khannisian inriang inhriatna inthûk nei rêkin chu a’rthît hlet ngai.
12Mi sahai ircham an hong neiin chu mi tinrêng an lôm ngaia,
mi siahai an inlal rêkin chu mihai an irbîk khak ngai.
13An siatna irthuphai chu tuanintung ngai mahai.
Ip loia inpuanga irlettuhai chu Pathian lungkhamna dong an ti.
14 Rengpa thu zôm mai mi chu an râlvân a sa.
a tukullian ngaitu chu irhmang a ti.
15Hruaitu siathai kuta chu inrianghai hi mi’nvâi tak tak an ni ngai;
ama kha kâmkeibaknei inrung le savom inhuk irvâk rêi ruai anga ichiom a ni.
16Hruaitu, inhriatna nei loi chu hruaitu nunter ni a ti.
Dik loina hnôltu chu inlal sôt a ti.
17Mi thisen chunga mophurtu chu ama thân an rang thei dôra a ichoi a ni.
Tûte’n san no ri sehai.
18Dikin lân, sansuakin om ni ti.
Ni dik no’n chu inrîl zôi ni ti.
19Takirtâi taka sintho mi khan fa hrang nei intam a ta,
chanlamboia zoro’n hek ngai mihai chu inriang mai an ti.
20Mi dikhai chu raifân le irngum takin hring an ta,
irchong ringot tuma irhnothai chu tôkhmol faloiin suak no ni.
21Theibîk nei hi dik mah.
Roirêltu senkhat chu a chînte thilpêk inrûk hmûna hrang sikin tho’nsual an ti.
22Mi tiksiahaiin chu irchon an irzûla,
an chunga irsamna a hong tung hrang inhre phâk ngai mahai.
23Bâi ringota mi’npâk ngaitu nêkin chu mi ngotu chu inhnunga inpâk a hlo tam ual ngai.
24Tukhom a nu mani a pa mani,
neinun inrua, “Ite a siatna om ma,
tihtu chu inru leh a danglamna om mah.
25Huatirham khan buaina vai an kêlsua ngaia;
Rengpa iamna irnghattu chu satvurin om a ti.
26Mâni irngaidân vai zuitu chu intô a nia;
mi vârhai irchutirna zuitu rêk chu zôk riamin om a ti.
27Inrianghai changpuitu chu irsam viat no nia.
Inrianghai tianga mit insîng petu rêk chu mi tin khuasâl tong a ti.
28Mi siahai an inlalin chu mihai an irbîk ngai.
An inrîl tena chu mi felhai an inlal nôk ngai.
Currently Selected:
THUVÂRHAI 28: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
