THUVÂRHAI 27
27
1 #
Jak 4.13-16
Nangtûka thil hong om hrang song no roh.
Kha nikhua khan imo a hong itung hrang inhre mak che.
2Ni bi bingin irpâk loiin mi’n nang inpâk ri sehai;
a ni, khual mi’n nang inpâk ri sehai.
3Lung le bâli hi a rik oka,
khannisianlân, into’n mi a inbuai leh hin irkhi’n chu ite ni ma.
4Ningmur chu a nunrôngin a siata,
khannisian hnarsâna le irkhi’n chu ite ni ma.
5Ni iuksak viat loi anga a ibe hrang nêkin chu inlanga halirchûna a sa ual.
6Rualin chu nang an natir le khom a sa.
khan, nir doipuiin nang an kua’n chu irdîn ta ro.
7Mi khophai hrangin chu khuaihlutui khom ningsia a iom a ni,
mi phîngchâm hrang rêkin chu thil khâ tinrêng khom a tui ngai.
8Mi, a in sûng ata suak chu vate ar bu ata suak ang kha a ni.
9Hriak mirimhoi le mirimhoi dang danghaiin ni lungrîl inlômtir an ta,
buaina rêkin chu ni lungrîl dam riam inkhoi a ti.
10Nangma rual sahai le ni pa rual sahai irnghil viat no ro.
Ni vânduaiin nang changpui hrangin ni’rzirpuitu hmun danga om ina fe no ro;
ram hla vita om ni’rzirpuitu nêkin chu ni kôla ni tualbômhaiin nang san thei ual an ti.
11Ki nâipa, vârin lân,
khanchu ki raifân a ta;
ni hrilsiat ngaituhai sâmna hrang nei ki ti.
12Mi vârin chu buaina hong tung hrang chu thengthaiin a tonga,
intak a tongpui ngai.
13Tukhom khual mi lâkai chunga mophur hranga chonginkungtu chu ama neinun ngei khom bândaa intung pe zit inruk a ni.
14Zînga thoia satvurna chong hring taka a rual kaithoi chu khuasâlna anga bê thei a ni.
15Dôngma hrângsia chu ro chîng nia ro tho hmer hmer ang kha a ni.
16Khaanga nu kha itin mo ni indâihrektir thei hrang?
Phâivua tho irngam tum le sahriak kut zaphaa infûn tum ang kha a ni.
17Thîr inngaihtirna hrangin thîr ngêt a inang ang dên hin,
mihai khom mi dang ata an irchutir irhlôm ngai.
18Theipui kung donsuiin lân,
a ra fa hrang nei ni ti.
Suak khom a pu donsui chu chôiirsângin om a ti.
19Tuia mâni hmêl a inlang angin mihriam lungrîl chu mihriama an lang ngai.
20Mihriam irzukna chu thânbâi ang kha a nia,
ruktôk zel nei mah.
21Meiin rângachak le sumtak a fiaa;
mihriam khom mihai inpâk dâna irthokin fia thei a ni.
22Intô chu thi vâng vângin zêm khomin lân,
an tona chu zêm inboi pe thei no chi ni.
23Ni belrahai le ni mihriamhai theidôra enkolin donsui ro,
24irchon chu kumkhua’n dâi hrang ni maka,
rênglukhum khom hi suanpâr murdi tena hrang ni ma.
25Hloisûl chu âtin lân,
hloi tharhai chu mông nôk a ta,
tânga hloisûlhai chu ât ro.
26Ni belra mulhaia irthokin puanhai siam ni ta,
ni kêlhai man leh khan loihmun irchô ni ti.
27Nin fâk khop hrang kêl dûthai om a ti,
nin in sûngkua fâk hrang,
nin siahlo dôngmatehai enkolna hrang le.
Currently Selected:
THUVÂRHAI 27: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
