THUVÂRHAI 26
26
1Fûra ivur tâk le bu ât zoroa rotho a irhmê loi angin, intô chôiirsâng hi a irhmê loi a ni.
2A bi boiin chu khua nang sâlhai khan nang insiat thei no nihai.
Va vuangpat a chumna indang loi ang kha a ni.
3Zêmna hrui chu sakor ta hrang a nia,
hnôlna hrui chu sakuartung ta hrang a nia,
khianghrol chu intohai ruang hrang a ni.
4Chong irdon chanlamboi ni sâmin chu ar dontu angin intô ni ni ti.
5Chong irdon chanlamboi chu chanlamboiin sâmin lân,
khanchu ar dontu khan vâr a irti dôr chu vâr mah ti hong inhriat ni ti.
6Intô chong bêtu chu mâni ke tan ang kha a nia;
buaina tong a ti.
7Ke’nbâihai ke a irtûl chian ngai angin thuvâr khom hi intô bâia chu a ni ngai.
8Intô inpâk chu saihlia saihlûm khitkhak ang kha a ni.
9Intô, thuvâr hmang chu zû’nrui a kuta ilhling lâk tum ang kha a ni.
10Intôhai le invêthai hruaitu chu thal kâp thiam mi inphop ngaitu ang kha a ni.
11Intô, an tozia inlang ngai chu ui a miluak fâk nôk ngai ang kha a ni.
12 #
2 Pet 2.22
Vâr lo loia vâr irtitu nêkin chu intô lopzuaka om a sa.
13Itho mo mi thaboi kha pên tiang a isuak viat ngai loi?
Imo a ichi?
Kâmkeibaknnei mani?
14Kopzaa inkhâr a irhêl mai ngai angin,
mi thaboi khom a zâlhmuna ar hêl mai ngai.
15Mi thaboi khan khalâi an pûr chiana;
a bâia bu hong thun ten lua a ngîk ngai.
16Mi sari thil sût thiamhai nêkin khom mi thaboi chu ama irngaiin vâr ualin ar bê ngai.
17A va irrolna hrang ni viat loia mi irkhalnaa va chang chu lampuia fea ui hong lôn a mikuara chel ang kha a ni.
18-19“Mi, a tualbômhai huanga,”
inhnunga chu invêt,
thingthu hringhai,
thalhai, thi theina hmangruahaia irdâi ang kha a ni.
20Thing a hekin chu mei khom a thia;
khaangin insîr irhlôm a om loina chu irngo irkhal a mong ngai.
21Meiholin chu mei ar altir ngaia,
thingin chu mei an choktir ngai;
khaang khan buaina siamtuhaiin chu irsualna an inpungtir mai ngai.
22Mi nuiso zazat ngaitu chong chu a thuma,
takpum sûngrîla a lût ngai.
23Lungrîl suala hmûr thiam chu pil bêl sumtak nâl irtêktir ang kha a ni.
24Vârirletin chu mi a hnôlna kha chongbâi thumin a thup ngai.
25Thu sa okin inlang khomsian iam no ro,
a lungrîl chu hnôlna sip a ni.
26A hnôlna chu huangna’n thup thei khom sianlân,
a siatna chu vântâng inhriata inlang la ni a ti.
27Tukhom mi dang in-ôkna hrang châng kamhai chu anni in-ôk an ti.
28Milaka mi denginthei nuamtuhai chu ni ihnôl hrang a ni.
Chong iamom loiin chu siatna vai an tungtir ngai.
Currently Selected:
THUVÂRHAI 26: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
