THUVÂRHAI 25
25
Solomona thuvâr omdân sa irchutirna
1Hi mihai khom hi Solomona thuvâr,
Juda rêng Hezekia roirêlna hmuna mihai irziak nôk chu a ni.
2Thil irthup hi Pathian roiinpuina a nia;
rênghai roiinpuina rêk chu thil zong suak hi a ni.
3Reng khan imo a ingaitua inhre thei viat no chi ni;
a ngaituanahai chu irvân irsâng angin a’rsânga,
tuikhanglian inthûk tak angin a inthûk a ni.
4Sumtaka irthokin a êk la paiin lân,
an luan ngaitu’n thil satak inluantir thei a ti.
5Reng makunga irthokin lungvâr saloi phua ngai mi kha khaipaiin lân,
a rêng ram chu dikna’n indet ni a ti.
6 #
Lk 14.8-10
Reng makunga ni ngîrin nang inpâk hrangin phut no’n lân,
mi lian khomin irbe no ro.
7Ni toihmun kha mi lianhai inkenhai roh an iti nêkin chu,
“Toihmun sa uala hin hong intoitirhai ro”
nang an iti chu a sa ual.
8Thil ni mita ni ihmuhai kha roirêl hmuna fepui zôi zel no ro.
Nakana inhriatpuitu dangin ni dik loina an langtir itinin,
tho hrang lam inhre no chi ni.
9Ni urêng le thubuai nin neiin chu nin ruaiin insîr infel unglân,
ite thu irthuphai inlangtir no ro.
10khano’nchu mi tinin thu irthuphai ip thei mak che ti inhria an ta,
nir hming siatna chu boi ta no ni.
11Tum dân fel tak insîrin lân,
hi sumtak bêla rângachak ang hi a ni.
12Thu zôm nuamtu hrangin chu mi inhriatna irzat nei mi’n irningna chong a ipêk kha rângachak kut sabi le rângachak irthei nêkin khom a hlu ual.
13Palai iamom chu a tîrtu hrangin bu ât laia ivurtui dâiriam ang kha a ni.
A tîrtu hringna an hartir ngai.
14Thilpêk hrang inkunga pe viat ngai loi mihai chu rua tholoi sûm le phâivua ang an ni.
15Tuangdiar taka ngênna hin sêlna ngar tak a khiak ngai.
Chong irnêmin roirêltuhai lua an kûk ngai.
16Khopinter rakin khuaihlutui in no ro;
khano’nchu ni ningsia a ta,
inluak nôk zit ni ti.
17Ni urêng ina chai intam hrai no ro;
nang hnôngin nang khôkmâkna a ti.
18Hnôlna dikloi chu hêmvuakhai,
khandaihai le thal ngaihai anga thi theina a ni.
19Milung inzîng laia mi iamom loi tûng chu,
ha inhnîng zit puma thil insoi le ke kiak puma fe ang kha a ni.
20Mi beiindong kuanga hla sak chu rammual dâi nikhuaa sûna a puansil lâkpai pe le a sâbea chang-altui buak pe ang kha a ni.
21 #
Rom 12.20
Ni râl a phîng a châmin chu fa hrang pe’n lân;
a tui an hrâlin chu tui in hrang pe ro.
22Ama chu inzakin a hmâi inmôk pe ni ta,
khanchu Rengpa’n lômman nang pe a ti.
23Hmâr phâivua’n rua a zuang intung ngai ang takin,
irdemna’n ningmurna an tungtir ngai.
24Dôngma hrângsia leh in hoi taka om nêkin chu bokrop hnuaia om a sa ual.
25Ram hlatak ata thurchi sa inhriat chu tui inhrâl dangchâr lai taka tui dâizan in ang kha a ni.
26Mi fel, mi saloi makunga irpelût chu tuikuang milui tâk le tuihnâr innimtir ang kha a ni.
27Khuaihlutui in intam a isaloi ang khan mâni roiinpuina hrang ringot zong hi sa mah.
28Mâni lungrîl sep zoi theiloi mi chu khopui chim kulpui nei ta loi,
râlin an rûnna hrang ir-ông chiana beiindong om tak ang kha a ni.
Currently Selected:
THUVÂRHAI 25: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
