THUVÂRHAI 22
22
Thuvâr sômthum lâkkhômhai
1Irchongna nêkin irhming satna hi a sa ual,
irhming satna hi inthang ro.
2Irchong le inriang an om senga,
Rengpa isiam ru ruai an ni.
3Mi bengvârin chu siatna hong tung hrang a lei hmua,
a lôi ngaia;
inmôl rêkin chu ar chôm duma,
a tuangna kai a ni ngai.
4 Rengpa china le irngaiintômna neiin lân,
hring sôtna,
chôiirsângna,
irchongnahai dong ni ti.
5Ni hringna lung ni thungin chu mi siahai in-ôkna ngai châng ata irkêm ro.
6Nâipang chu a fena hrang lam irhoia khan irchûtirin lân,
a hring sûngin inthâ no ni.
7Inrianghai chu irchonghai suak an ni.
Lâkai ni lâkin chu nin tângnapu suak ni ni.
8Dikloina chi tûtu’n chu siatna ât a ta,
a ningmurna hnukirhâi chu hlosam a ti.
9Mi tikhoi chu satvurin a om ngai,
a fâk hrang inrianghai a sem ngai sikin.
10Mi hmusit ngai kha hêkpaiin lân,
khanchu irngo irkhal irkiang a ti;
a ni, irsualnahai,
irsêlnahai boi a ti.
11Lungrîl irthiang le lungkhamna chong thum nin hlutin chu rêng khom ni rual ni thei a ti.
12 Rengpa mit khan inhriatna nei mi chu a vong insa ngaia,
vârirletnahai thu chu a pai zit ngai.
13Mi thaboiin in sûnga a om chiana;
“Pên tiang ki fe’n chu kâmkeibakneiin ni sê that a ti,”
a ti ngai.
14Nupang sual hmûr porche chu châng a ni;
ama khan Rengpa ihnôlhai chu in-ôk an ti.
15Nupanghai lungrîla khan intona a kop ngita,
khannisian irchutirna hnukirhâi sa khan siam insa a ti.
16Irchonghai lunghoi tuma thilpêk pêk le irchong hrang nuama inrianghai hnuaisia chu mâni irsamna vai tung a ti.
Chongbe le irchutirnahai
17Ni mikuar sungin lân, mi vârhai thu irngai roh. 18Ni lungrîl chu ar chutirnahai dongna’n hmang ro. Ni lungrîla ni vonga, ni bâia ni hmang sa theiin chu lôm ni ti. 19Ni iamna kha Rengpa chunga ni’rnghat theina hrangin; atûn hin ni kuang nang ki insîr pe hrang a ni. 20Nangma hrangin thuvâr sômthum ki irziak a ni. Inhriatna le irchutirna sahai a oma, 21thutak imo a ini nang irchutir a ti. Khanchu thutak hmu suak hranga itîrin ni omin, sâmna dik tak hong kîrpui thei ni ti.
-1-
22Inriang chu an riang sikin rot pe no’n lân, roirêl hmuna milung indonghai chu nêpsiahai sa no ro. 23An chungchâng chu Rengpa’n a ithop hrang a ni, anni roktuhai hringna chu in-ôk a ti.
-2-
24Ningmur ol mi chu rualin siam no’n lân, mi nunsia chu irpôlpui no ro. 25Anni omdân irchû ni ta, ni nunchan thûl thei loiin châng nang chang pe a ti.
-3-
26Mi dang lâkai chunga mophurtu hrangin chonginkung no ro. 27Ni thuan thei no’n chu ni zâlhmun ten khom nang lapai pe an ti.
-4-
28Pi le puhaiin ramri an lei ikhang kha phêt no ro.
-5-
29Takirtâia sin sa sin mi nir hmutirin lân, mi narân nêka sa, rênghai rual irnghatpui thei mi chuk nang irhmutir ki ti.
Currently Selected:
THUVÂRHAI 22: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
