NEHEMIA 4
4
Nehemia’n a sêltuhai an hnê
1Khannisianlân hiang hin a nia, Sanbalata’n kul kin sin ti an hriatin chu, a ning an mura, a sate’n a milung hoi pe maka, Judahai a’rzûl tôlhaia. 2Khanchu a urênghai le Samari sipaihai makunga thu a hrila, “Hi Juda mi siat le sahai hin i zât mo an itho? khopui siam insa nôk an itum ma ni? An irbôl thei hrang mo an isôn? Sûn khat sûnga hin hlo mo chuk thei nihai? Sahrok om khômna vai a sa tâk hi, lung kâng zoi saihai hi, an indingthar thei nôk hrang mo?,” a tia.
3Khan a kuang Amon mi Tobia khan, “Hong inding ngân ri sehai; Sihal khom luihai sian, an lung irkulnahai chu chim pehai ta no ni mo,” a tia.
4O kin Pathian irngai ro, êsêlin kin iom a ni; an ni insîr insiatnahai hi anni chunga irlet pehaiin lân, anni khom kho rama mo intângtirhaiin lân; 5an insiatnahai irkhû no’n lân, an sualnahai chu irnghil pehai no ro; kul siamtuhai chunga an ning an mur kêng a ni. 6Khanchu kul kha kin sina, ar sâng lam chimripin kul lian dôrin kin irsua vinga; mipuihaiin sin hrâtna lungrîl an irput maia.
7Khannisian hiang hi a nia, Sanbalata, Tobia, Arab mihai, Amon mihai le Asdod mihaiin Jerusalem kul chu siam insa a ni mai ti le a siatna lai kin pho mai ti an inhriatin chu, an ning an mur pehai uala; 8khanchu Jerusalem kha hong doia buaina siam hrang an irti nôk tâka. 9Khannisianlân annihai zârin kin Pathian kuang kin chongchaia, a sûn a zân, an ni hrung hrangin kin irbea. 10Khan Juda khan, “Sinthotu sahai an irzala, sahrok lak a tama, kul chu kin isin siam thei ta loi hrang kêng,” a tia. 11Khan kin râlhai lakin, an laia kin hong fea, kin thathaia, sin kin mâksan mân chu inhre no nihaia, ni hmu thei no nihai an lei ti tâk sikin. 12Khannisianlân, Juda mi an kôla omhaiin, kin kuang an honga, kin râlhaiin an ni ikhitna laihai chu an ni hril mai ngaia. 13Khasikin kul siatna ar hnuaina lai taka, hmun irthôlna taka mipuihai chu an in sûng mia irpâlin, an khandai, an ufeihai, an thal ngulhai chôiin irbîk hmun an zonga.
14Khan ki hong en vêla, ki thoia, mi sahai le roirêltuhai, mipui danghai laia, “Annihai so ite chihai viat no unglân, Rengpa roiinpuitak le ichiom tak chu inhre maiin, nin urênghai, nin nâihai nin dôngmahai, nin in inzôk tumin doihai roi,” ki tia. 15Khanchu hiang hin a hong nia, kin râlhaiin an len hriat ti le an sintho tum chu Pathianin ite bê’n bê mah ti an inhriatin chu, kul tianga mâni sin thôna hmuna kin fe nôka.
16Hiang hin a nia, kha rengata chu kin ruathartehai a chimripin sin an thoa, a danghaiin ufeihai, pho, thalngul, rôpphohai an dôna; khan roirêltu’n Juda in mihai, kul siamtu murdihai an sanhai maia. 17Kul siamna hrang hmangrua pêlhai khomin, an kut kiang khat tiang sin an thoa, kiang khat tiang hriamhrei an chôia; 18a siamtuhaiin an khandai an vong chita; khaang dôra intak tuangin an sina, khan bekul tum hrangtu khom an kôla omin. 19Khan mi sahai le roirêltuhai le mipuihai laia, “Sin hrang a tam hraia, kula hin irthekindarin an sinnahai lak a’rhla za zapa; 20Bekul irhâi nin inhriatna hmun taka chu kin kuang hon tân unglân; ei Pathianin ni doipui a ti,” ki tia. 21Hiang hin sin chu kin thoa; khan a chimripin chu a zîngbup ata ârsi ar lang mâka chu ufei an chôi maia.
22Kha lai taka khan, mipuihai laia, “Zâna an ni hrunga, sûna sinthoin tukhom an siahlohai leh Jerusalem sûnga riak ving ri sehai,” ki tia. 23Khaang khan keima khom, ki urênghai khom, ki ruathartehai khom, a ni zuia ni hrunghai leh, tûte’n kin tukrivô irkhek loiin hriamhrei irbel pumin tui tiang khan kin irvâk ngai a ni.
Currently Selected:
NEHEMIA 4: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
