NEHEMIA 1
1
Nehemia’n Jerusalem a’rveina
1Hakalia nâipa Nehemia thuhai chu hiang hin a nia, kum sômhnina, Kisleu thaa rêng khopui Susa-ah ki om laiin, 2ki urêng inkhat Hanania le Judai ram ata mi senkhat an honga; khan Judahai sala om a la damhai thurchi le Jerusalem thurchi ki’rdonhaia. 3Khan ki kuang, “Sala om suakhai chu, kha rama khan vânduai taka insîrinsiatin an oma: khan Jerusalem banghai khom a chim rem ruma, a inkhârhai khom a kâng ta,” an tia.
4Khan hiang hi a nia, kha thu kha kin hriatin chu ki toiraka, ki chapa, sûn iza vêl mani chu a sân ki ngûipuia; bu ki ngheia, irvân Pathian makunga ki chongchaia, 5“O Rengpa, irvân Pathian, Pathian roiinpui le ichiom, nangma lungthunga ni thupêk pomtuhai chunga thuthung intunga lungkhamna inlangtu; 6Israel irchihai sualna, ni chunga kin inchâina ngaidam ki’rzong sûng hin ni mit mengin ni mikuar lei sungin lân, ni siahlo chongchaina, a sûn a zânin ni siahlo Israel irchihai ki zong pehai hi, le’rngaiin lân; kei leh ka pa in sûng mihai kin sual tâka. 7Ni chunga saloi takin thil kin lei tho tâka, ni siahlo Mosia kuanga ni thupêkhai le ni dânhai lak lei zôm ta ma unga. 8#Lev 26.33 Ni siahlo Mosia kuang, ‘Nin insiatnahai sikin nam tin laia irthekindarh nin ta; 9#Dhn 30.1-5 aniachu keima tiang nin hong kîr nôka, ki thupêkhai nin poma, nin zômin chu, nin laia mi, irvân tena inhnot ni khom sianlân, khatak ata khom nangni bukkhôm nôk ki ta, ki’rhming omna hmun ki indangna khan nangni hruai nôk ki ti,’ tia ni thupêk kha irngaihoi takin inhre mai roh.
10“Khan hihai hi ni siahlohai le ni mihai, ni sintho theina irkhêltak le kut hrât taka ni irtansuakhai an nia. 11O ki Rengpa lungkham takin ni siahlo chongchaina le nir hming inlômtir hranga nei, ni siahlohai chongchaina hi ni mikuar lei sung ro; a vuan hin ni siahlo hi hlo nin chuktirin lân, hi mihai mithmua hin lungkham takin phûkdâina nin dongin lân,” ki tia. Kei chu rêng khilât inhlantu ki nia.
Currently Selected:
NEHEMIA 1: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
