EZRA 10
10
Irnei ta loi hranga dân siam
1Pathian in tianga irheiin khûksadela chapin Ezra’n a chongchaia, ngaidam ar zong lai takin a kôla khan Israel mi, mi tamtak, nupang pasal le nâipang pâl an hong irbuka; mipuihai kha a sân an chapa. 2Elama irchi laia mi Jehiela nâipa Sekania khan Ezra kuang, “Kin Pathian chunga hin, thil kin tho’nsual tâka, hi rama nam dang nupang dôngma’n kin neia; khannisianlân Israel mihai hrangin hi thua hin sabeina a la iom a ni. 3Khasikin tho, ka pu le kin Pathian thupêka inthing murdi’n, hi mipuihai anni lai ata suak murdi hi teipuihai hrangin ei Pathian kuanga thuthung ei ti; ama khom hi dân ang taka tho ni ri se. 4Tho hi thu hi nangma chunga irnghat a nia, keini khom nangma tianga om kin nia, hâitakin omin lân tho roh,” a tipuia.
5Khanchu Ezra kha a thoia, ochai irchi u ualhai le Levi irchi le Israel mi murdihai chu, khaanga tho hrangin khomâk a’rsâmtirhaia. Khomâk an irsâm tâka. 6Khanchu Ezra Pathian in tianga irhei kha a hong thoia, Eliasiba nâipa Jehohanana tentan omna hmuna a lûta; kha khan zân khovârin sala hong zôkhai thilsual tho sikin irngaisiatin bu nêk loiin khua an vâra.
7Khan Judai ram tin le Jerusalema sala zôk murdihai laia, Jerusalem-a inkhôm vinga; 8mi tukhom an milianhai le upahai thupêk anga, sûn thum sûnga hong loihai chu a bungrua murdi khitpai pea, ama khom sal intâng zôkhai lai ata, inhnotpai ni a tih, ti thu an inpuanga. 9Khanchu Juda mi le Benjamina mihai chu, kha sûn thum sûngin Jerusalema an irbuk vinga; kha kha a tha kuakna, sûn sômhni ni a nia; Pathian in mikot irzataka khan mipuihai kha an toia, kha thu le ropuivânsâng tho sikin an inthing sup supa.
10Khan ochai Ezra chu a ngîra, an laia, “Thil nin lei tho inchâi tâk sikin, Israel mihai thei loina belsa’n nam dang nupanghai dôngma’n nin neia. 11Khasikin Rengpa nin pi le puhai Pathian kuanga khan ngaidam irzong unglân, a nuamlam sin ta roi; hi rama nam dang le an nupanghai ata hi irdîn ta roi,” a tia.
12Khanchu mipui murdi’n an sâma, inringtaka khêkin, “Kin chungchâng thu chu ni iti ang takin kin itho ngêt hrang a ni. 13Khannisian mi kin tam hraia, rotho lai tak a ni sikin, pên tiang hin om thei ta ma unga, khan sûn khat sûn hni sûnga tho zât lak a ni no sikin: hi sika hin a sân kin lei inchâi ok tâka. 14Mipuihai irthûlin kin milianhai inkung ni sianlân, kin chunga Pathian ningmurnahai hi a heka, hi thu hi kin infel mâka chu, kin khuaa nam dang dôngma lâkhaiin khua tina an ulianhai le upahai an hong hrang zoro indanga hin hong ri se,” an tia. 15Asahela nâipa Jonathana le Tikva nâipa Jahzeia hai vaiin hi thu hi an sêla: Levi irchi Mesulama le Sebethaia’n an changpuia.
16Khan sala intâng zôkhaiin khaang tak khan an tho tâka. Ochai Ezra’n in sûngkuaa a luhai irhming hmor a’rziak indang vinga; tha sômna sûn khat nî tena chu kha thu kha ngaitua’n an irbukkhôma. 17Khan tha khatna sûn khat ni chu nam dang nupang dôngma neihai chu an infel thei tâka.
Nam dang dôngma lâk chungchâng
18Khan ochai nâihai laia nam dang nupang dôngma lâk an inhriathai chu: Jesua le a urênghai laia Jozadaka nâipa le a urêng Maaseia, Eliazara, Jariba, le Gedalia hai 19Annihaiin an dôngmahai mâk hrangin thu an inkunga; khan an thei loina sikin, an thei loi changna chu belrahai pâla mi belrachal inkhat leh irbôlin.
20Khan Imera irchihai laia Hanania le Zebadia. 21Harima irchihai lai ata Maaseia, Elija, Semaia, Jehiela, Uzia hai.
22Pasura irchihai lai ata Elioenai, Maaseia, Ismaela, Nethanela, Jozabada le Elasa an nia.
23Khan Levi irchi laia Jozabada, Simeia, Kelaia, Pethahia, Juda le Eliazara hai an nia. 24Hlasaktuhai laia Eliasiba a nia, mikot hrungtu laia Saluma, Telema le Uria hai an nia. 25Israelhai laia Parosa irchia mi Ramia, Izia, Malkija, Mijamina, Eliazara, Malkija le Benaia hai an ni.
26Elama irchia mi Matania, Zekaria, Jehiela, Abdia, Jeremota, Elija hai.
27Zatua irchi laia mi Elioenai, Eliasiba, Matania, Jeremota, Zabada, Aziza hai,
28Bebaia irchia Jehohanana, Hanania, Zabaia, Ahlaia hai
29Bania irchi laia Mesulama, Maluka, Adaia, Jasuba, Seala, Jeremota hai.
30Khan Pahat-Moab irchia mi Adna, Kelala Benaia, Maaseia, Matania, Bezalela, Binuia, Manasea, 31Harima irchi laia Eliazara Isija, Malkija, Semaia, Simeona hai; 32Benjamina, Maluka, Semaria, hai.
33Hasuma irchi laia Matenaia, Matata, Zabada, Elifeleta, Jeremaia, Manasea, Simeia hai,
34Bania irchi laia mi Maadaia, Amrama, Uzia hai; 35Benaia, Bedeia, Keluhia hai; 36Vania, Meremota Eliasiba hai; 37Matania, Matenaia, Jaasua hai; 38Bania, Binuia, Simeia, hai; 39Selemia, Nathana, Adaia, hai; 40Maknadebaia, Sasaia, Saraia, hai; 41Azarela, Selemia, Semaria, hai; 42Saluma, Amaria, Josefa hai.
43Neboa irchia mi Jeiela, Matithia, Zabada, Zebina, Idoa, Joela, le Benaia hai an ni.
44Hihai murdi hin nam dang dôngma lâk an ni; senkhathaiin an dôngmahai leh nâi le tê lei nei tâk an ni.
Currently Selected:
EZRA 10: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
