NAHUMA 3
3
1Thisen insua hmang khopui chu a chung a rike! milak le milongna’n a sip zita; an sa sê kha mong ni nei ma. 2Irzêmna irhâi hai, tâli intân mur murhai, sakor irchômhai, tâli intân mur murhai leh; 3Sakor chung chuang mi, sakora chuang mani, khandai irtêk zor zor mani, ufei irtêk zor zor mani, le mi that irzûl mer mur mani, miruak om mer mur mani le miruak chu mong nî zel nei ma, an ruakhai kha an sirpola; 4Khahai kha, notizuar hmêl sa, dôitheinu, a uirena sika nam zuara, a dôi uarna sika sûngkua zuartu uirena irkhêltak sika hong om a ni. 5Sipaihai Rengpa khan hiang hin a ti: Irngai ta, nang ki idoi a ni; ni hmâi tiang ni puan lîm ki ta; ni bomboina namhai kuang le mualinphoina rêng ramhai kuang nang inentir ki ti. 6Porinche intirom takin nang inthek ki ta, inzakom takin nang siam ki ta, mi tin en hrangin nang sia ki ti. 7Khan, hiang hin ni a ta, nang a hmupu dôrin nangma sikin intân irhmang an ta, Ninevi khua kha a ihong ram tâk a ni: tu mo sûn hrang? kho tak ata mo ni ta hrangin irtharngamtuhai kin izong ta hrang? ti an ti. 8Nail vadung luang ihual Noamon, a kul hrangin tuipui hmang, a irkulna hrang tui dîl hmang nêkin ni ihrât ual ma ni? 9Ethiopia le Aigupta kha a hrâtna a nia, kha kha mong nî ten a inei loi a ni; Put le Lubim kha nangma changpuituhai an ni. 10Khaang dôr khom khan lâkpaiin a oma, sala an tânga: kholai tin monga a nâipang tehai kha an pai inthekpai pehai: a mihriam sahai hrangin tâ an sâna, a milian murdihai kha thîr hruia khitphiar an ni.
11Nang khom inrui sa ni ta, irthupin om ni ta; râl sikin kul det song sa ni ti. 12Ni kul murdihai kha theipui kung, ra hmin masapu ang ni an ta: an hnîng photin chu a ra tâk chu a fâktu bâia a lût ngai. 13Irngai ta, ni sûnga ni mipuihai kha nupang an nia; ni râlhai ta hrangin ni ram mikot kha an inhong hlunga: ni in kalna thîr tuanhai kha meiin a ikâng irhmang a ni. 14Hi hual vêla ni om sûng hrangin tui chôiin lân, ni kulhai indet ro: irtung omnaa khan fe’n lân, lung inchârna kha chîlin inhminin lân, pilrôngarna lungthu kha indettir roh. 15Kha khan meiin nang kâng irhmang a ta, khandaiin nang sât that a ta, khâiin chîmu an ifâk irhmang ngai angin fâk irhmangin om ni ti. 16Ni bepârhai kha irvân ârsi nêka tamin nin pungtira: thing irngê khan a mitha a phara, a vuangpai ang hin an boi zoi ta. 17Ni mi rênglukhum khumhai kha khâihmimse ang an nia, ni sipai hruaituhai kha phalbi laia khâi rual irchunkhôm ang an nia. Aniachu misa a hong suaka, an vuang irhmanga, an omna hmun zel inhriat ni ma.
18O Assuria rêng, ni belra enkoltuhai kha an inmusu e: ni milianhai kha an irngama: ni mipuihai kha tânghaia an indarh zoia, hruai khômtu tûte om mahai. 19Ni natna kha damna hrang om maka; a sân ni ipop liam a ni: nir hâi an hriatpu dôrin raifânin kut nang an inbên khuma; ni pualoina ata hi tu mo zôk thei hrang?
Currently Selected:
NAHUMA 3: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
