ISAIA 20
20
Irsiansiana neiin deipu korongin a om
1Assuria rêng Sargona thupêk angin sipai uliantakin Filistia khua mi Asdod chu a doia, an lâk pea. 2Kum thum lei fe tâka khan Amoza nâipa Isaia chu kekok bun loiin, bora puan sil ta loi hrangin Rengpa’n thu a pêka, a iti angin a thoa; korongin kekok bun loiin a oma. 3Asdod khua an lâk kumin Rengpa’n, “Ki siahlo Isaia chu kum thum sûng kekok bun loiin korongin a oma, ama hi Aigupta le Ethiopia chungchânga irsinsiana le thilirkhêl ni a ti. 4Hiang hin Assuria rêngin Aigupta mi an ichelhai le Ethiopia mi sala hranga an ihruaihai, nâipang khom ulian khom, koronga kekok lua bun loiin an pin irlangin sehai a ti. Aigupta ram chu mualinphoi ok hrang a ni. 5Ethiopia lei tûng hraia, Aigupta lei song ngaihai chu, beidong rakin an chardong ok a ti. 6Kha zoro a hong dênin chu, hi tui kôla omhai hin, ‘Ei lei tûnghai hraia, Assuria rêng kôl ata ni san le nin zôktir hranga ei lei irhnêlhai hi chanlamboi an ni hi! Einihai hi itin mo kin bingin kin irsûnghual thei hrang?’ ” ti an ti.
Currently Selected:
ISAIA 20: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
