ISAIA 21
21
Babulon siat hrang hmu chungchâng
1Babulon chung thu chu: kêllaiherin ramchârna a inher angin ram chiom tak ata siatna hong tung a ti. 2Intângna in ichiom tak a ni’rhmutira, kâng inzôina tui a’rsok but buta, inrûk ngaituhaiin an inrûka, Elam sipaihai, imo nin la ien mai, Media sipaihaio, kulhai kha doi ta roi ba, mi dang charindongtirtuhai chu inhek paihai ki ti.
3Khasikin kin thinga nâiha isê angin ki konghai hi a na zoi ta, kûn pumin ki oma, ite inhre ta ma ung. A ni sirpha saa ite inhre thei ta ma ung. 4Ki lu a inhnâi zoi ta, ki ibuai ok a ni ta, ki nghâkhmo lungdâi ni sûn chu, keima hrangin ichiom zoro a ni. 5Khalâi an lei irfûka, toina hrangin zâmpher an lei dâpa, fâkin an in tâka, nin phûk insum unglân, hruaituhaio, nin phohai siam irfûk roi. 6Rengpa’n ki kuang hiang hin a ti: “Fe’n lân, râl hrung hrang mi sehai ro, ni ihmu murdi hril pehai roh. 7Sakor chungchuang a bopa honghai chu, sakuartunga chuanghai, satakin enhai roh.”
8Râl hrungtu a khêka “Ka pu irpuk irsânga ki ngîra, a sûn a zân zâl loiin ki hrung mai,” tiin.
9 #
Thup 14.8; 18.2 Sakor chungchuang a bopa honghai, an hong tung thuta! “Babulon khua a siat ta, a siat ta. An millim pathianhai an irtantir pehai rem rum ta,” râl hrungtu’n a ti.
10Ki mi Israel hruaia khit thunghaio, Israelhai Pathian Itinrêng Rengpa’n Thurchi a nin hriattir ta, nin kuanga khom ki inpuang a ni ta.
Edom chungchâng
11Duma chung thu: Edom ram ata an ni hon sama, “Râl hrungtu, zân mo an sang ta? Râl hrungtu zân mo an sang ta? iti’n.
12Râl hrungtuin, “Khua a vâr hrang a ni ta, zân hong thûl hrang a ni ta, an hriat ni nuamin chu hong nôkin lân, ni hor don nôk ro,” a lei tia.
Arabia chungchâng
13Arabia chung thu: Dedana mi, sahai le Arabia rama riakhai chu, 14Tema khuaa mihaio, tuiinhrâlhai hrang tui dâi hong la unglân, râl irzûlhai hi bu leh lei donhai roi. 15Khandaihai le khandai kêlsua sai pumin, thal ngul sia raka irdoina ichiom tak ata hong an ni.
16 Rengpa’n ki kuang hiang hin a ti: “Irhlo ngai mi a sûn tepa kum khat a kâi tena Kedara inlalna chu hek a ti. 17Kedara mi huaisen thalkâp mihai chu, tômte vai a thi zoi loi om an ti,” Rengpa, Israelhai Pathianin a ti.
Currently Selected:
ISAIA 21: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
