ISAIA 15
15
Pathianin Moab insiat a ti
1 #
Isa 25.10-12; Jer 48.1-47; Ezek 25.8-11; Amos 2.1-3; Zef 2.8-11 Moab chungthu chu zân khat sûngin Ar khua soisakin a oma, Moab chu a dok taa, zân khat sûngin Kir khua khom soisak a nia, Moab chu a dok nôk ta. 2Dibon mihai chu Pathian biakna hmun irsânga chap hrangin an fea, Moab mihai chu an lu an ep inkola, hnermul an voipaia, Nebo le Medeba khua an irzuk nôk tâk a ni. 3Kholâi dunghaia bora puan silin in sûnga le kholâi dunghaia khom milung hoiloi takin an chapa. 4Hesbon le Elealeh mihai irtha’nvâiin an khêka, Jahaz ata an hong inhriat thei a ni. Moab sipaihai khom, phûkinthingin an khêka, an zâm a’rzal ta. 5Moab hai sikin ki milung a na tâka, Zoar le Eglath-Selesia hai tenin, râl chiin an intâna, senkhathai chu Luhit tunga khan chap pumin an fea, senkhat chu Horonaim tiang an fea, chardong takin an chapa. 6Nimrim tui a kang tâka, pârhai chu a chuaia, a cher tharhai khom ite thil hring om thei ta maka. 7Khasikin an sum la neisun sunhai leh Phoram vadung râla fe ta an ti. 8Khêk irhâi Moab le ramrihai khan a oma, an ikhêk irhâi inring chu Eglaim khuahai inhriat thei a ni; an irhâi inringhai chu Berelim khua dênin inhriat thei a ni. 9Dibon vadung tui khom thisen angin a oma; Dibon vadung chunga, hi nêka thil irkhêl ual intungtir nôk ki ti, Moabhai lai ata rothai chunga le, kha rama la om sunhai laia kâmkeibaknei inlêngtir ki ti.
Currently Selected:
ISAIA 15: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
