ISAIA 14
14
Sala intâng hong kîrna
1 Rengpa’n Jakoba-hai chu inrenhai a ta, Israelhai inthanghaiin an rama inomtirhai a ti; khan ram dang mihaiin hong thophai an ta, Jakoba in mihai chu thophai an ti. 2Khan mihaiin hruaihai an ta, an omna hmun intunghai an ti, khanchu Israel in sûng mihaiin Rengpa rama khan nupang le pasalhai la nei an ti; suaka infetirtuhai kha suaka om an ta, anni dengintheitirtuhai chunga roi la rêl an ti.
Babulon rêng mithi khuaa
3Khanchu, ni beidongna irthokin, sin intak inthotirnahai ata, Rengpa’n a’rngamtirhai nikhuaa chu hiang hih la ni a ti. 4Hi êsêlna hla hin Babulon rêng la khêkkhum ni a ti, “Itina mani ta, a ni soisaktu chu an thim val tâka! rângachak khopui khom ite ar hâi om ta maka! 5Rengpa’n mi pualoihai khianghrol chu an khiakpai ta; roirêltuhai khianghrol chu; 6mi tin ningmur pumin an vîkhaia, nam tin ningmur puma tûte ikhap nang loia dengtheina roirêlnahai chu. 7Irnêng chung hi a’rngama, an thim vol vola; hla an hong sak suaka. 8A ni nangma thu sikin meisâr thinghai chu an loma, Lebanon tânga sidar thinghai khom irhniamtira ni om ata chu, a phûr hrangin tûte hong ta mahai, tiin.
9“Hnuai tiang ata Seol chu ni hong tungna nghâkin, a ibuai a ni ta; mithi hnuaia hruaituhai murdi chu nangma zârin an phut nôka, nam tina rênghai chu an rêngtoihmun ata a hong kaithoihai ta. 10Annihai khan nang chongpuiin, hiang hin hril an ti. ‘Nangma khom keini anga hrât loi mo ni inih tâk? Keini om angin ni iom ma ni ta? 11Ni inlalnahai chu Seol-a hruai irhmangin a oma, ni perkhuang irhâi le: chokchonâl chu ni hnuaia omin, thil irngêhaiin nang an ikhel a ni ta,’ ” tiin.
12 #
Thup 8.10; 9.1 O sikhovâr, zîng tianga nâipa, itho mo irvân ata ni itâk? Nam tin inrîltir thei, itina mo hnuaia teh ni tâk tâka? 13#Mt 11.23; Lk 10.15 Ni lungrîla chu, Irvâna hong fe ki ta, Pathian ârsihai khêla khin, ki rêngtoihmun indomirsâng ki ti; an inkhômna tâng, hmâr tianga omna khan toi ki ta; sûm nêka irsângin om ki ta. 14Anchungtakin om ki ti, ni ti ngaia. 15Khan, nikhomsian seol irvân irsâng kôla om khan hruaiin om ni ti. 16Nang a hmu murdi’n nang en irdîp an ta, 17“Ama hi kêng hnuai inhnîngtira, ram tin inhnîngtirin, rammual hi an chârin, khua omhai irhmangin sala omhai an mâni in sûng tianga tîrhai ngai loi,” tiin ni thurchi la hril an ti. 18Nam tina rênghaiin a tam dôrin, an in tianga lungthia zâlin, 19nang chu a’rzung hong mông thar intirom takin, râlin an thata, khandaia sunin, khur sûnga lunghai tukrivo angin ni thâna irthokin hlataka pai suakin ni oma. Ruak hnuaia sirpha angin. 20Ni ram nin siattira, nikhua le tui ni thathai sikin anni laia phûmin om no chi ni. Thil saloi thotuhai irhming chu kumtuangin sâm ni no ni. 21An hong thoi khomin, hnuai chunga hin khua a sip loina hrangin an puhai sualna sikin an nâihai that hrangin tumin lân, iti’n. 22Khanchu, annihai doi hrangin irsiam ki ta, sipaihai Rengpa’n a ti.
23“Phît insiat ving ki ta, sarku omna hmun le dialdôkin siam ki ti,” Itinrêng Rengpa thu suakin a ti.
Pathianin Assuria insiat a ti
24 #
Isa 10.5-34; Nah 1.1—3.19; Zef 2.13-15 Itinrêng Rengpa irhmingin hiang hin a ti, “Tho ki itum chu tho ki ta, a sa ki iti chu hlochuk a ti. 25Assuria chu ki ram sûnga intem a ta, ki tânghaia sirpha ki ti, a ringkol khom ki mihai ring ata pai pehai ki ta, thil rika inpêlhai chu la pai pehai ki ti. 26Rammual pumpui ta hrangin hi hi ki itho tum chu a ni. Nam tinrênghai laia ki kut ki’rlek a ni ta hi,” 27Itinrêng Rengpa’n tho a nuam ta. Tu mo a sût ngam hrang? soisak hrangin a kut a lâng ta, tu mo la dan thei hranga?
Filistia mihai Pathianin insiat a ti
28 #
2 Rng 16.20; 2 Tsn 28.27 Reng Ahaza thi kumin hi thu hi a zuang tunga, 29#Jer 47.1-7; Ezek 25.15-17; Joel 3.4-8; Amos 1.6-8; Zef 2.4-7; Zak 9.5-7 Filistia mihaio, nangni an ivîkna hmol a kiak ta, râiinfân mai no roi, mirûl chu thi khomsian, a tûr la hong hring thei a ta, a irtui ata rûl vânvuang la hong chang a ti. 30Rengpa’n a mi inriang chaninvâihai infâhai a ta, chardonghai chu irtharngam takin irngam ta an ti. Nangnihai chu nin nâihai le châmin thi nin ti, a la thi thei loihai chu tuk thathai ki ti.
31Filistia kho tina mihaio, khêk unglân, nin rêngin chi ta roi; hmâr tiang ata kêllaiher a hong khû so, sôl inhre loi sipaihai so, 32Filistia ram palaihai chu, itin mo ki isanhai hrang? Zion chu Rengpa inding a nia, amaa khan intakna tong, a mihai tûk lût an ta, tiin hong ni ta a ti.
Currently Selected:
ISAIA 14: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
