HOSEA 13
13
Israelhai siatna
1Efraima’n thu a hrilin chu inthingna hrang dôr a dên rak ngai, Israel mihai laia chu irngai roiinpui tak a lei ni ngai. Baal kuanga a tûk tena hin chu a ithi tâk a ni. 2Atûn khom hin an sualtir ual ual tâka, an tangkarua’n millim sûnna’n an irsiam chopa, anni ngaidân angzia zêla millim kha; khahai murdi kha kut theithiamhai kut suak a ni pumin, irbôlna inhlantu murdihai khan sehrât têhai kha tum ri se, an ti ngai. 3Khasikin, zînga sûmpui ang le irdo inrang taka boi nôk ngai anghai, hruizôla bu’rsi, kêllaiherin a isêm irhmang ang hai, meikhu suakna meikhu anghai ni an ti.
4Kei rêk hi chu Aigupta ram ata kha, Rengpa ni Pathian kha ki nia, kei ti no chu Pathian dang inhre ngai mak chea, keima ti no hi chu saninhringtu dang om mahai. 5Ramchâr irkhêl tak ramchâra nang chongpui ngaitu kha ki nia. 6An fâk hrang tena chu an khopa, an ikhop kha an milungin a lâlirpâk puia, khanchu a ni irnghil tâk a ni. 7Khasikin an ta hrangin kâmkeibaknei ang ki ni, kâmkeite angin lam laia anni kha inruang ki ti. 8Savomte inchân angin anni kha bei ki ta, an milung tuamtuhai kha kai thêr zit ki ta, kha hmuna khan kâmkeibaknei angin anni kha fa zoi ki ti; ramsahai khan an ikai darh zoi hrang a ni.
9O Israel, nangma changpuitu ni doi hi ni siatna a ni e. 10#1 Sam 8.5-6 Ni khopui murdia saninzôk theitu hrang kha, ni rêng kha atûn hin khôn mo a iom? Reng le hruaituhai ni pe ro, ni iti hai, ni roirêltuhai kha khôn mo? 11#1 Sam 10.17-24; 15.26 Ki ninginmurna rêng nang ki pêk, ki ninginmur ki lâkpai nôk tâk a ni.
12Efraima pualoina kha bukkhôm a ni, a sualna kha siakhôm a ni. 13Nupang nâiha irvei chardongna ang kha a chunga zuang tung a ti: ama kha nâipa vâr loitak a nia, a zoro taka nâi hong suakna hmuna om mah. 14#1 Kor 15.55 Seol kut ata anni kha ki irtan hrang ma ni? Thina ata ki isansuak hrang ma ni? O thina, ni hripuihai kha khôn mo a iom? O sual, ni thân kha khôn mo om? lung nang inkham viat no ning, irlet khomsian uksak no ning. 15A urênghai laia irhniang tak ni khomsian, nisua tianga phâivua hong pût a ta, ramchâr ata Rengpa itho ngêt kha a zuang lai tak a ni; a tuihnârhai kha kang a ta, a tuikuanghai kha châr zoi a ti. Bêlbûr sa murdi, a châr kha insiat zit a ta. 16Samaria ram ata a Pathian chunga tehel a zonga, khandaia intûktirin om an ta, an nâitesenhai kha pai inthek zit ni an ta, an nupang, nâivong laihai kha kaithêr ni an ti.
Currently Selected:
HOSEA 13: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
