HOSEA 12
12
Israel le Juda thiamno an chang
1Efraima khan phâivua a iama, nisua phâivua khan a zui ngaia; milak thu le irsen indarna thu an pungtir sit sita, Assuria leh thu an inkunga, Aigupta tiang khan hriak a pêl lûta.
2 Rengpa khan Juda chunga khom hnôlna hrang a nei saa, Jakoba chu a omdân zia ang dênin hrem a ti; a thiltho ang zia dênin thuanin. 3#Irp 25.26 Sula khom khan a urêngpa kha a ke ârtui a hong chela, a hong puihling khan Pathian kha a beia. 4#Irp 32.24-26 A ni, vântirtôn a beia, an hnê tâka; a chapa, ditsakna a ngêna; Bethel hmuna khan ama a hmu tâka, kha khan ki kuang thu an sîra. 5Rengpa ngei, sipaihai Pathian kha, Rengpa ti kha a irsinsia a ni. 6Khanchu, nangin chu ni Pathian kuang tiang irheiin lân, lungkhamna le roirêlna hmangin lân, ni Pathiana khan irnghat mai roh.
An sual sika hrem hrang
7Kanaan-hai angin Israel khan vârna dik loi an leka, ihuang ringot a irzuk ngai a ni. 8Efraima khan, ki’rchong ok ta, hlo ki chuk ta a ni: ki sintho murdihaia lak chu keimaa siatna thil sual an ihmu hrang om viat ta mah, a tia. 9#Lev 23.42-43 Khannisian, kei hi Aigupta ram ata kha Rengpa ni Pathian ki nia, kût zoro lai ang khan puan ina nang ki la inomtir hrang a ni.
10Deipuhai kuanga khom thu kin sîr ngaia, inlârnahai kin pungtira; Deipuhai hmangin ki lei hala. 11Gilead kha pualoina a ini loi ma ni? ite ni loi chian an ini kêng; Gilgal-a khan sehrâtchal an inhlan ngaia; a ni, an maichâmhai kha irnêng tuk irlet châng kuanga lung dêng khôm ang chian an ni.
12 #
Irp 29.1-20
Jakoba kha Arama rama khan an tân pata, Israel khan dôngma man a tuam tâka; dôngma man hrang khan belra a ienkol a ni. 13#Fes 12.50-51 Deipu hmangin Israel kha Aigupta irthokin Rengpa’n a hruaisuaka; deipu dên hmang khan a sûnghual saa. 14Efraima lak khan a ninginmur tak taka, khasikin a thisen insua kha ama chunga a chum tâka. A hrilsiatna kha ama chunga Rengpa’n inchumtir a ti.
Currently Selected:
HOSEA 12: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
