HOSEA 11
11
A mipui pêt irhmang sika Pathian poi tihna
1 #
Fes 4.22; Mt 2.15 Israel nam kha a nâiinpang lai ata lung ki thunga,
Aigupta ram ata ki nâipa hrangin ki ikoisuak a ni.
2Ki koi lia an ni hla liaa, Baalhai kuang an irbôl uala,
Millim siam chophai kuang mirimhoi an ihâl a ni.
3Keima rêkin chu Efraima kha ki kuta kalchôi dân ki’rchûtira,
anni kha ki inthotir a nih ti rêk chu inhre mahai.
4Mihriam hruihrual, lungkhamna hruihai khan anni kha ki kaia;
an ta hrang khan an irkama kol inhlitirtuhai ang kha ki nia,
indot takin an makunga fâk hrang ki dônhaia.
5Khannisian an irlet nuam no sikin, Aigupta rama tîr nôk ki ti, Assuria kha an rêng ni a ti. 6A khopuihai khan khandai irlektir a ta, a kulhai kha ar hmangtira, inboipai a ta, anni thu lei irdon sik ngêtin. 7Ki mihai khan nir heisan an tum maia, an ringkol riktak sikin, anchungtaka insam an ta, khannisian tûte’n indom irsâng pe no nihai.
8 #
Dhn 29.23
O Efraima itin mo nang ki inthapai thei hrang?
O Israel, itin mo nang ki intha thei hrang?
Itin mo Adama angin nang ki isiam thei hrang?
Itin mo Zeboim angin nang ki inomtir thei hrang?
Ki sûnga ki milung a’rleta!
ki lungkhamnahai kha a sêm irvâm lik tâka?
9Ki ningmurna irkhêltak kha sua no ninga,
Efraima kha irhmangtir tum nôk ta no ning.
Keima chu mihriam ni loiin,
Pathian ki nia, Nangmaa om mi irthiang kha,
khopui kha hong lût khum no ning.
10 Rengpa kha zui an ta, kâmkeibaknei anga inrûm hrang chu: a ni, inrûm ngêt a ta, nitâk tianga irthokin a nâihai chu keima tiang inrang takin hong an ti. 11Aigupta irthokin chongzong angin, Assuria irthok khan vasu angin mitha zâp lop lopin hong an ti: khan, an in lum inluatir ki ta, ti hi Rengpa thusuak a ni. 12Efraima khan milak thu’n a nir hual vêla, Israel sûnghai khan huangna’n; Juda khomin Pathian tiang ngaisak maka, mi irthiang chunga khan iam a iom loi a ni.
Currently Selected:
HOSEA 11: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
