EZEKIELA 48
48
Ram irsemna thu
1Khan hmâr tianga ramri chu Mediteranean tuipui ata kha nisua tiang a pana. 2Hethlon khopui ata kha Hamath panna lampuia khan a theng thaia. Khatak ata kha Enon khopui tiang fe maiin Damaska le Hamath ramri kha a va suna. 3Nam tinhai khan nisua tiang ata hi nitâk dênin del an ta, 4khanchu hmâr tiang ata sim tianga delpu 5hranghai chu hihai hi an ni. 6Dana, Asera, Naftalia, Manasea, Efraima, 7Reubena le Judahai hi an ni.
Ram inlaina tak chu
8Khanchu Juda ram sim tiang pang kha ram irthiang ni a ta, a khang chu hmâr tiang ata sim tianga dênin mêl sôm hleihni le a chimrip ni a ta, a dung tiang khom nisua tiang ata khaang dên khan nih a ta, nam tinhai kuanga ram zêka om ang khan, khanchu biakbuk chu khataka khan om a ti. 9Khanchu hi ram laitaka hin mêl sôm hleihni le a chimrip, a khang tiang mêl sôm chu Rengpa ta hrangin inhlan ni a ti. 10Ochaihai khom khan hi ram irthiang hi dong sa an ta, nisua tiang ata nitâk tiang kha mêl sôm hleihni le a chimrip ni a ta, hmâr tiang ata sim tiang kha mêl ringa ni a ti. Rengpa biakbuk chu hi hmun lai taka hin om a ti. 11Khanchu hi hmun hi Zadoka irchi suanpâra ochaihai ta hrang ni a ti. Anni hin chu iamom takin ki sin an thoa, Levi mihai ang khan Israelhai sual sinna khan kop sa mahai. 12Khasikin anni chu Levi mihai hmun kôla khan hmun nei an ta, kha kha hmun irthiang tak chu ni a ti. 13Khanchu ochaihai ram sim tiang panga khan, Levi mihai khom khan kha rama khan hmun nei an ta, nisua tiang ata nitâk tiang chu mêl sômhleihni le a chimrip ni a ta, hmâr tiang ata sim tiang chu mêl ringa ni a ti. 14Khanchu Rengpa ta hranga ram inhlana om kha ram a sanalaitak ni a ta, kha hmun kha zuar phal ni ngai no ni, mi leh irthûl thei khom ni no nia, mi dang kuanga pêk khom ni no ni, hmun Irthiang a nia, Rengpa ta a ni sikin.
15Khanchu ram irthiang a la zôk, a dung tiang mêl sômhleihni le a chimrip le a khang tiang mêl hni le a chimrip kha chu hmun Irthiang ni maka, kha kha chu vântâng ihmang hrang ni a ti. Khataka khan om thei an ta, ram kha hmang thei an ti. Khopui chu a ram inlaina taka khan om a ti. 16Kil minli nei ni a ta, irki tin kha mûk sângminli le mûk irzaringa ni chit a ti. 17Khanchu khopui irhîl irki tina khan hmun ôl, a khang mûk irzahni sômringa hi om a ti. 18Khanchu khopui sin zoia a om tena la zôk, hmun irthiang sim tiang kha a dung tiang mêl ringa le a khang tiang mêl hni le a chimrip, nisua tiang khan chu a dung tiang mêl ringa le a khang tiang mêl hni le a chimrip, nitâk tianga kha, khopuia omhai loi thôna hrang ni a ti. 19Khopuia om, a tu tukhomin, a tu namhai khomin kha hmun kha loiin nei thei an ti.
20Khanchu hi ram irthiang hi irki minli nei ni a ta, irki tin kha mêl sôm hleihni ni zit a ti; kha khan khopui omna hmun khom kha huam sa ta a ti. 21Khanchu hi hmun biakbuk le ochaihai ram le, Levi mihai ram le khopui omna khêl nisua tiang le nitâk tianga ram zôkhai chu roirêltu rêng ta hrang ni a ti. 22Roirêltu khan Benjamina-hai ram le Judahai ram kârhai chu dong a ti.
Nam danghai ta hranga ram
23Khanchu hi hmun irthiang sim tiang pang murdi hi Jordan dung nisua tianga sûngkua omhai khan del an ta, 24sûngkua tin khan nisua ramri tiang ata, Mediteranean tuipui ten khan ram dong chit an ti. 25Hmâr tiang ata sim tiang tena dongtu hranghai 26chu Benjamina hai, 27Simeona hai, Isakara hai, Zebulunhai le Gad-hai ni an ti. 28Khan sim tianga Gad-hai ramri chu Tamar ata Meribath-kadesh tui omna hmun ten kha ni a ta, khatak ata kha Aigupta tuidung zuiin Mediteranean tuipui ten kha ni a ti. 29Khanchu Rengpa Pathianin, “Kha kha Israel namhai kuanga tasâna irchon hranga ni isem hrang ram chu ni a ti. Khahai kha pôl tinhai idong hrang dân chu a ni,” a tia.
Jerusalem dâi mikot
30 #
Thup 21.12-13
Khan hihai hi khopuia irthoka suakhai chu an ni, hmâr tiang khan, irkhîin mûk sângminli irzaringa; 31khan khopui dâi mikot chu Israel namhai irhming omdân angin ni a ta, hmâr tiang khan chu dâi mikot inthum; Reubena dâi mikot inkhat, Juda dâi mikot inkhat le Levi dâi mikot inkhat; 32khan, nisua tiang khom khan mûk sângminli irzaringa ni a ta, khan dâi mikot inthum, Josefa dâi mikot inkhat, Benjamina dâi mikot inkhat le Dan dâi mikot inkhat; 33sim tianga khan irkhîna mûk sângminli irzaringa ni a ta, dâi mikot inthum; Simeona dâi mikot inkhat, Isakara dâi mikot inkhat, Zebulun dâi mikot inkhat; 34nitâk tiang khom khan mûk sângminli irzaringa ngêt nih a ta, dâi mikot inthum le Gad dâi mikot inkhat, Asera dâi mikot inkhat; Naftalia dâi mikot inkhat. 35A’rhîlin mûk sîngkhat sângriat ni a ta; kha khopui irhming kha, kha nî rengata chu, “Jehova Sammah#48.35: Sammah ti chu hitak hin RENGPA chu a om tihna a ni ni a ti,” tiin.
Currently Selected:
EZEKIELA 48: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
