DANIELA 1
1
DANIELA LE A RUALHAI THURCHI
(1.1—6.28)
Rêng Nebukadnezara ina ruatharte inthum
1 #
2 Rng 24.1; 2 Tsn 36.5-7 Juda rêng Jehoiakima roirêl kum thumna khan Babulon rêng Nebukadnezara’n Jerusalem a hong irhuala. 2#2 Rng 20.17-18; 24.10-16; 2 Tsn 36.10; Isa 39.7-8 Khan Rengpa’n Juda rêng Jehoiakima chu a kuta a pêka; Pathian ina bungrua senkhathai le; khanchu ama khan Sinar rama Pathian ina a fepuia; bungruahai chu Pathian ina a hong siaa.
3-4Khan rêngin Israel nâihai laia mi, rêng irchihai le mi sa irchihai, thoibop demnaboi, hmêl satak, vârna tinrêng nei, inhriatna tianga bengvâr, thil irphut dân khom sûtthei ngai, rêng ina omdân thei ngai hong hruai lût hrang le Kaldai chong le thilsiam irchu hrangin thainuzelhai hruaitu Aspenaza chu a hrila. 5Rêng khan rêng bunêk anga nêka, a uain in anga in thei hrang a ngaituaa, khaanga kum thum infâ hrang, kha zoiin rêng makunga an ngîr theina hrangin. 6Hihai lai ata hi Juda nâihai laia mi Daniela, Hanania, Misaela, le Azariahai an oma. 7Khanchu thainuzelhai hruaitupa’n an irhming a phuahaia; Daniela chu Beltesazzara a tia, Hanania chu Sadraka, Misaela chu Mesak, Azaria chu Abednego a tia.
8Khannisian Daniela lungrîlin rêng bu le uain fâk le nêkna khan porche nuam maka; khanchu a porinche loina hrangin thainuzel hruaitupa kuang a ngêna. 9Khanchu Pathianin Daniela chu thainuzel hruaitu ata kha inditna le lungthungna an dongtira. 10Khan, thainuzel hruaitu khan Daniela kuang, “Nin fâk le nêk ngaituatu, ki rêngpa ki chi ta; ni kum ir-angpui thoibop danghai nêka siat ualin ni hmêl kha a ihmu loi hrang ma ni? Khaang khan a ni’n chu, rêng kuanga ki lu hi ichiom kêng nin ni inchangpui hrang,” a tia.
11Thainuzelhai hruaitupa’n, Daniela, Hanania, Misaela le Azaria enkol hranga a isiapa kuang khan Daniela’n, 12“Nang ki ngên, ni siahlohai hi sûn sôm ni fia ro, fâk hrang le in hrang vai ni pe maiin lân, 13Ni kôla kin inlang dânhai le rêng bu nêk tui entuhai ei ruatharhai inlang dân tetûkin lân, ni ihmulam ang takin, ni siahlohai chunga hin tho ro,” a tia.
14Khanchu hi thu hi ar fûk a tipuihaia, sûn sôm a fiahai ta. 15Sûn sôm a hek ni chu, rêng bunêk tui entu ruathartehai nêkin an hmêl a sa’n an la mar maia. 16Khanchu enkoltu khan an fâk hrang le uain in hrang a lâkpai pehaia, khohloia a pêkhai ta.
17Khanchu hi ruatharte minlihai hin theina le vârna murdi le inhriatna le bengvârna, Pathianin a pêkhaia. Daniela’n inlârna le irmang murdi omzia an hriat thei tâka.
18Khanchu rêng ina hong hruai lûtna hrang nikhua a hek ni chu thainuzel hruaitu’n annihai kha Nebukadnezara kuang a hon lûthaia. 19Khanchu rêng khan a lei chongpuihaia, anni laia Daniela, Hanania, Misaela le Azaria-hai ang kha tûte om mahaia, khasikin rêng makunga an ngîra. 20Khanchu, vârna le inhriat thiamna thu tinrêng, rêngin a hor donhaiin, a ram pumpuia dôi tin theihai le tasân theihai nêkin a lêt sômin a dik le a sa ti an hriat suak tâka. 21Khanchu Daniela’n rêng Kura kum khatna dênin a sin mai ta.
Currently Selected:
DANIELA 1: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
