FESUAKNA 37
37
Thuthung Bôm siam
(Fes 25.10-22)
1Bezalela khan Thuthung Bôm hrang sitim thingin a dung mûk hni le a chimrip, a khang mûk khat a chimrip, a’rsânglam mûk khat a chimripin a sina. 2A sûng le a pên tianghai khan rângachak rôngin an luanhaia, a kil thophai khom rângachak leh a thopa. 3A zônfung rolna hrang rângachak irkual minliin a siama, bôm sîra a ke minlihai khan hitiang hitianghai khan inhni hniin an khopa. 4A zônfung hrang sitim thing leh a siama, rângachak le a tuama, 5bôm sîr hitiang le hitianghai khan a’rkualna khan a rola. 6Bôm a sîng hrang, a dung mûk hni a chimrip, a khang mûk khat a chimrip, rângachak felfatin a siama. 7Rângachak suk inphêkin cherub inhni, 8a sîng a seina tiang a siama, a sîng leh khan irzoma phêk khat a ni theina hrangin a isiam a ni. 9Cherubhai chu bôm sîng chunga khan hmâi irsongin an ir-en a ni, an mitha zârhai khan Thuthung Bôm sîng kha an ingha a ni.
Bai irthiang siana dokâng
(Fes 25.23-30)
10Sitim thing dokâng a dung mûk hni, a khang mûk khat, mûk khat le a chimripa irsâng a siama. 11Rângachak felfatin a tuama, a kôlhai khom kha rângachak leh a tuam vinga. 12A hmor kutzapha dôra lian a siama, rângachakin a thopa. 13A’rzônna hrang rângachak irkual minli a siama, a kehai omna a kil minlia khan an khopa. 14A’rzôn zoroa zônfung rolna hrang irkual chu a hmor kôla khan inkhop a ni. 15A zônfung sitim thing leh a siama, rângachakin a tuama, 16rângachak felfatin dokâng hmang hrang le khênghai a siama, khênghai, khilâthai, bêlhai le khurihai uain inna hmangrua hrangin a isiam a ni.
Meiser siana ôn sari nei
(Fes 25.31-40)
17Rângachak felfatin meiser siana ôn sari nei an chera. An toina hrang le a ngul kha rângachak suk inphêkin a siama; a’rvôtirna pârhai, a’rmuam le pâr illimhai leh khan a irzomtir ving a ni. 18A ôn kiruka kungpuia irthokin an zara, a sîr tiang, hitiang hitiang inthum thumin a iom a ni. 19A ôn kiruk omna hmun tina khan a’rvotirna pâr irlim inthum, almond pâr irvut angin, a’rmuam le pâr anga om an khop sa. 20A ngulpuia khan a’rvôtirna pâr almond pâr irvut anga om, a’rmuam le a pâr ang a iom sa a ni. 21A ôn chung inta le hnuai inta kâra khan, a ngulpuia khan a’rmuam inkhat illim a chuang chita. 22Hi a’rmuamhai a ônhai le a ngulpui hi rângachak felfat phêk khat suk inphêka siam a ni. 23Meiser siana ôn sari hranga meiser bûr, a lu inchor sari, meichephai le mei chôina hmunhai rângachak felfatin a siama. 24Meiser siana le hmangrua danghai siamna hrangin rângachak felfat her sômthum ringa a ihmang a ni.
Mirimhoi hâlna hrang maichâm
(Fes 30.1-5)
25Sitim thing maichâm kil minli nei mûk khat vêla sei, a’rsânglam mûk hnia irsâng a siama, irki minlia inchor leh khan an tuanthal a ni. 26Rângachak felfatin maichâm leh a’rkihai a thopa, a hmor indôr khom rângachak leh a ithop a ni. 27A zônfung rolna hrang rângachak irkual inhni a siama, a hmor indôr hnuaia khan an khophaia. 28a zônfung hrang sitim thingtuanhai a siama, rângachakin a tuama.
Irpol zât sahriak le hâl hrang mirimhoi
(Fes 30.22-38)
29 #
Fes 30.22-38
Hriak irthiang irpol zât, mirimhoi irpol zâthai a siam sa.
Currently Selected:
FESUAKNA 37: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
