AMOSA 1
1
1 #
2 Rng 14.23-29; 15.1-7; 2 Tsn 26.1-23 Juda rêng Uzia inlal lai le Israel rêng Joasa nâipa Jeroboama inlal laia, hnîngnu mâna kum hnina khan, Tekoa sâ rual enkoltu laia om Amosa’n thu Israel chungchânga a ihmu chu.
2 #
Joel 3.16
Khan, ama khan “Rengpa kha Zion tâng ata inrûm dur dur a ta,
Jerusalem khua ata ar hâi suak a ta;
belra enkoltuhai sâ lêngna hmunhai kha an char a idong a ni,
Karmel tâng sîp kha châr a ta,” a tia.
Suria
3 #
Isa 17.1-3; Jer 49.23-27; Zak 9.1 Rengpa’n hiang hin a ti: Damaska khua tho’nchâina inthum sikin a ni, minli sikin, a hremna kha inboi no ning. Gilead ram kha bu nôina thîrhai khan an nôi sikin; 4Khannisianlân Hazaela ina mei tîr ki ta, Benhadada rêng inhai kâng zoi a ti. 5Damaska khuaa mikot thîr kha inkhiak ki ta, Aven irhôr#1.5: Aven irhôr hi “Porinchena irhôr” tihna a ni. ata a luatuhai le Eden in ata rêng khianghrol chôitu kha inboi ki ta; khan Suria ram mihai kha Kir rama suaka om an ti, Rengpa’n a ti.
Filistia
6 #
Isa 14.29-31; Jer 47.1-7; Ezek 25.15-17; Joel 3.4-8; Zef 2.4-7; Zak 9.5-7 Rengpa khan hiang hin a ti: Gaza khua tho’nchâina inthum sikin, a ni minli sikin, a hremna kha inboi no ning; Edom kuanga pêk hrangin mi murdi suaka an hruai sikin: 7Khannisianlân Gaza khua kul chunga mei tîr ki ta, a rêng inhai kha kâng zoi a ti: 8Khan, Asdod khua ata a luatu le Askelon khua ata rêng khianghrol chôitu inboipai ki ti; khan, Ekron khua chunga ki kut irlek ki ta, Khan, Filistia mi la omhai kha inboi ki ta, Rengpa pathian khan a ti.
Tura
9 #
Isa 23.1-8; Ezek 26.1—28.19; Joel 3.4-8; Zak 9.1-4; Mt 11.21-22; Lk 10.13-14 Rengpa’n hiang hin a ti: “Tura khua tho’nchâina inthum sikin a ni, minli sikin, a hremna kha inboi no ning; Edom kuang mi murdi kha an pêka, ir-urêngna thu an intung kha an inhriat mai no sikin: 10Khannisianlân Tura kho kul chunga mei tîr ki ta, a rêng inhai kha kâng zoi a ti,” a tia.
Edom
11 #
Isa 34.5-17; 63.1-6; Jer 49.7-22; Ezek 25.12-14; 35.1-15; Obad 1-14; Mal 1.2-5 Rengpa’n hiang hin a ti, “Edom mihai tho’nchâina inthum sikin, a ni, minli sikin, a hremna kha inboi no ning; a urêng#1.11: Edom irchihai hi Esaua irchi an nia, Jakoba irchihai leh urêng an ni maia. kha khandaiin a’rzûla, a lungkhamna murdi a pai irhmanga, a ninginmurna khan an potthêr mai hena, kumkhuaa a ninginmurna kha a vong chian sikin; 12Khannisianlân Temana hmun chunga mei tîr ki ta, Bozra khua rêng inhai kha kâng zoi a ti,” a tia.
Amon
13 #
Jer 49.1-6; Ezek 21.28-32; 25.1-7; Zef 2.8-11 Rengpa’n hiang hin a ti, “Amon nâihai tho’nchâina inthum sikin, a ni, minli sikin, a hremna kha inboi no ning: an ram an irzat theina hrangin, Gilead khuaa nupang nâi vonghai an ât phorhai sikin: 14Khannisianlân Raba khua kul chunga mei sêm inchok a ta, khan irdoi nikhua khêk leh, kêllaiher nikhuaa phâivopui le, a rêng inhai kha kâng zoi a ta; an rêng kha sala chel an ta, an mi lianhai leh a pâlin, Rengpa khan a ti. 15An rêng chu a mi lianhai leh sala hruai an ti,” Rengpa khan a ti.
Currently Selected:
AMOSA 1: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
