AMOSA 2
2
Moab
1 #
Isa 15.1—16.14; 25.10-12; Jer 48.1-47; Ezek 25.8-11; Zef 2.8-11 Rengpa’n hiang hin a ti; “Moab tho’nchâina inthum sikin, a ni, minli sikin, a hremna kha inboi no ning; Edom rêng ruhai kha chinai ang dênin a hâl sikin: 2Khannisianlân Moab chunga mei tîr ki ta, Keriot khuaa rêng inhai kâng zoi a ta; khan Moab kha buaina le khêk le bekul irhâiin thi a ta; 3khatak ata roirêltu kha inboi ki ta, a mi lianhai murdi kha, ama leh that ki ti, Rengpa khan a ti. Moab rêng roirêltuhai chu that ki ta, an mi lian murdihai khom that ving ki ti,” Rengpa khan a ti.
Juda
4 Rengpa khan hiang hin a ti: “Juda tho’nchâina inthum sikin, a ni, minli sikin, a hremna kha inboi no ning; Rengpa dân kha a hnôla, a thupêkhai vong mahaia, an pahai ibiak ngai pathian irlimhai khan a hruai irhmang sikin. 5Khannisianlân Juda chunga mei tîr ki ta, Jerusalem khua rêng inhai kha kâng zoi a ti,” a tia.
Israel chunga Pathian roirêl.
6 Rengpa khan hiang hin a ti: “Israel tho’nchâina inthum sikin, a ni, minli sikin, a hremna kha inboi no ning; tangkarua mi fel an zuar sik le kekok bun khata mi irsam an zuar sikin: 7mi inrianghai lu chunga pildi ten khom an hnarsaa, inrianghai an inrûkpai pea, pa le nâipa’n dôngmate inkhat an inmai irhlôma, ki’rhming irthiang an porinchetir a ni. 8Maichâm omna kipa puan siakhôm chunga an zâl ngaia, an pathian ina khan mi an inchôitir manhai khan uain an in ngai a ni.
9 #
Dhn 3.8-11
“Khannisianlân anni makunga Amor-hai, Sidar thing anga irsâng le thing sesua anga hrât khom kha ki’rhmangtira; a chung tiang ata a ra le a hnuai tiang ata a’rzung khom kin boitira. 10Khan, Amor-hai ram nei hrangin Aigupta ram ata nangni ki hruai suaka, ramchâra kum sômminli sûngin nangni ki hruaia. 11#Nam 6.1-8 Khan, deipu ni hrangin nin nâipahai laia mi le Nazarit#2.11: Nazarit tih omzia chu zoro i dôr ten sûnga zu mani, khomâk irsâm loia, sam khom ep loi hranga Pathian chôiindômna hranga inkunghai (Nam 6.1-3) ni hrangin nin ruathartehai laia mi ki siama. O, Israel nâihaio, khaangin a ini loi ma ni? Rengpa thu suak khan a ti. 12Khannisianlân Nazarit mihai kuang uain in hrang nin pêka, deipuhai kuang, thu hril no roi, tiin thu nin pêka. 13Irngai u ta, bumûta sip, tâli ichîl angin, nin hmuna nangni nam ki ti. 14Khan, mi’ntân hrâthai hrâtna boi a ta, mi hrâthai hrâtna boi a ta, mi hrâtin irtha sêng thei ual no ni, mi hrât tak khom irzôk thei ual no ni, 15thal ngul hmangtu khom inding thei ual no ni: fe hrât thei mi khom irzôk thei no nia, sakor chung chuang mi khan irzôk thei ual hliak no ni: 16Kha nikhua khan mi thilthothei tak laia mi huaisen khom kha silkai boiin intân no ni,” Rengpa thu suak khan a ti.
Currently Selected:
AMOSA 2: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
