2 THURCHI SUINA 26
26
Juda reng Uzia
(2 Rng 14.21-22; 15.1-7)
1Judai rama mi murdihaiin kum sômhleiruka ulian Amazia nâipa Uzia chu a pa irthûla rêng hrangin an inthanga. 2(Amazia thi zoiin Uzia hin Elat khua a lâk nôka, Judai ram inding nôktu kha) 3Uzia chu kum sômhleiruk a niin an lal irphuta, Jerusalema kum sômringa kum hni an lala. A nu chu Jerusalema mi Jekoli a ni. 4Amazia angin Rengpa nuamlam a thoa, 5Pathian thu tianga kaihruaitu Zekaria dam sûng chu Rengpa thu a poma, Pathianin a irhniangtira. 6Uzia chu Filistia mihai a rûna, Gath khua kul banghai an siata; Askelon kôla le Filistia ram hmun da danga kul a sina. 7Pathianin Filistia mihai, Gurbala om Arab-hai le Meun-hai chu an hnêpuia, 8Amon-hai khomin, Uzia kuang, khâzana an chôia; roiinpuiin Aigupta ram dênin ar hming an thang tâka.
9Jerusalem kul bang chu a sinsiam inthara, bangkil mikot an itihai, Irhôr mikot an itihai, kul kôina taka inkhârhaia in irsâng a sina. 10Khan, kholaia khom kul nei khua an dinga; tuipang a choi saa; nitâk tianga omhai, tâng sîphaia sehrât a vâi intam hluka, loi inmân tiang ar hnik oka, tâng rama khom grep an phuntirhaia, phâiram sahai khan thôl an thotirhaia. 11Sipai tamtak, irdoi thei zât a neia. An thurchi irziakna chu ziaktu Jeiela le Maaseia, rêng milian Hanania haiin an vonga. 12Hruaitu sânghni irzarukin a sipaihai an hruaia. 13Reng tianga kop, râlhai doi thei zât, mi nuai thum sângsari le irzaringa a nei. 14Uzia’n chu a sipaihai phohai, ufeihai, thîrlukhumhai, thîr songkolhai, thalhai, sâilungdênga hrang lung inhlûm a pêk saa. 15Jerusalema khan a mi kut theithiamhai isin thal kâpna khôlhai, lung lianpahai hlôn theina khôlhai, in irsânghai le kul kalnahai a buna, a’rhming khom an thang pe ok tâka. Pathianin a changpui sikin khaang taka roiinpui a ni.
A’rsongna sikin Uzia’n hremna a tong
16Reng Uzia chu a roiinpui ok zoiin chu, a’rsong pehaia, a isiatpuina chu a ni. A Pathian Rengpa thu poi ti loiin mirimhoi hâlna dokânga mirimhoi hâl hrangin tempila a lûta. 17Ochai inlaltak Azaria le ochai hâitak takin 18#Fes 30.7-8; Nam 3.10 khap tumin an zuia, “Uzia Rengpa kuang mirimhoi ni ihâl hi irthiang ma. Arona irchia ochaihai vaiin kêng, hi sin tho hranga ser indang chu an ni. Hi hmun Irthiang hi suaksan roh. Rengpa Pathian ning nin murtira, nangma tiang kop ta ma,” an tia.
19Uzia chu tempil sûnga mirimhoi hâlna dokâng kôla khan a ngîra, mirimhoi hâlna bûr a chôia, ochaihai chunga khan a ning an mur pea; khannisian an makunga ngêt, Rengpa in sûnga mirimhoi hâlna dokâng kôla khan a michala pânsiain a kâi thuta. 20Azaria le ochaihaiin rêng michal an ena niin chu, an inlâi raka, tempil sûng ata kha an inhnotsuaka. Rengpa khan a hrem tâk sikin irhnot takin a suak tâka.
21A natna sikin rêng Uzia chu a dam sûngin a porinche tâka, tempila lût a’rthiang ta no sikin, ama ina a om chian tâka, a sin tho thei ta maka, a nâipa Jothama’n ram chu a op tâka. 22Khan, Uzia inlal sûnga a sintho murdi chu deipu Isaia’n a’rziaka. 23#Isa 6.1 Uzia chu a thia, rênghai thânmuala an phûma, pân irvei a ni sikin rênghai thâna se nuam mahaia. A nâipa Jothama chu ama irthûlin an lal tâka.
Currently Selected:
2 THURCHI SUINA 26: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
