2 THURCHI SUINA 27
27
Judai rama rêng Jothama
(2 Rng 15.32-38)
1Jothama chu kum sômhni ringa mi a niin an lal irphuta, Jerusalema kum sômhleiruk an lala. A nu chu Zadoka nâinu Jerusaii a ni. 2A pa angin Rengpa nuamlam a thoa; a pa’n tempil chunga mirimhoi a ihâl angin chu tho maka. Mipuihai rêk chu an sual balamin an la sual maia.
3Tempil hmâr tianga lampui hi Jothama isin a ni, kho kulbang khom a siam insa intama, ‘Ofel’ an itihna len vâng chu a sate’n a sinsiam a ni. 4Judai ram sûnga khuahai a sina, rampuia kulhai le râl hrungnahai a sinhai hluka. 5Khan, Amona irchihai rêng a doia; an hnê tâka. Khan, Amona irchihai khan kha kuma khan tangkarua her sângthum irzaminli le gohu phur sîngkhat le barli phur sîngkhat an pêka. Khaang dênin Amona irchihai khan a kum hnina le a kum thumnaa khom an pêka. 6Khanchu Jothama khan Rengpa a Pathian makunga a lampui a rêl infel sikin a sân a hong ihrât tâk a ni. 7Jothama rêng a chang laia thil tunghai thurchi, an irdoina thuhai le a thil rêl dânhai, Israel le Judahai thurchi irziakna bua a chuang ving a ni. 8Jothama chu kum sômhni ringa a niin an lal irphuta, Jerusalema kum sômhleiruk an lala. 9A thia, Davida khopuia an phûma, a nâipa Ahaza chu ama irthûlin an lal tâka.
Currently Selected:
2 THURCHI SUINA 27: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
