2 THURCHI SUINA 22
22
Juda reng Ahazia
(2 Rng 8.25-29; 9.21-28)
1Arab mi senkhathaiin Jehorama chu an doia, a nâi mitum Ahazia ti no chu a nâi danghai chu an that pe vinga. Jerusalema mihaiin a pa irthûl hrangin Ahazia chu rêng an inchangtira. 2Ahazia chu kum sômhni inhni a ni le an lal irphuta, Jerusalem-a kum khat an lala. A nu chu Athali, Israel rêng Ahaba nâinu, Omria tunu a ni. 3Ama khom Ahaba in mihai omdân angin a oma, a nu thu a zôm ngaia. 4Rengpa mithmua thilsual a tho ngaia, a pa thi zoiin Ahaba in sûng mihai laia senkhat chu a thu lâkna tak an ni tâka, a isiatpui tâk a ni. 5An thu irdon angin Suria rêng Hazaela doi hrangin Israel rêng Jorama rual ar changpuia, Gilead biala Ramot khua an doia, an irdoina rêng Jorama chu sâbe a neia. 6Jezreel-a om hrangin a fea, Juda rêng Jehorama nâipa Ahazia an va hroa.
7Jorama a va hro chu Pathianin Ahazia siatna hranga a inkung a ni. An omsuam laiin mi inkhat Nimsia nâipa Jehua a honga, ama hi Ahaba inkamangtir hranga Rengpa mi tîr a ni. 8Jehua chu Ahaba irchihai chunga kut a thâk laiin Jorama dam loi en hrangin Ahazia hai Juda hruaituhai le Ahazia urênghai chu Jehua’n a hmua, a thatpaihai sa tâka. 9Ahazia kha an zonga, Samari khuaa a le’rbîka, Jehua kuang an hruaia, a lei thatpaia. A pu Jehosafata’n theidôr insua’n Rengpa iamtu chu an inzâna sikin a ruak chu satakin an phûma. Ahazia in sûngkua mi laia tûte an lal hrang om ta mahai.
Juda rêngnu Athali
(2 Rng 11.1-3)
10A nu Athali’n Ahazia thi an hriatin chu, Juda rêng in mihai an thattirhaia. 11Ahazia khan farnu Jehosebi a neia, a ochai Jehoiada chu pasalin a neia. Ahazia nâipasal inkhat, Joasa chu inrûkin an ruanga, rêng nâi dang thi hranghai ata a lâksuaka, tempila zâlna tentan inkhata a thupa, a om tâka. A thup khak sikin Athali’n that thei maka. 12Kum ruk sûng a thupa, Athali chu rêng a chang tâka.
Currently Selected:
2 THURCHI SUINA 22: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
