2 THURCHI SUINA 19
19
Deipu inkhatin Jehosafata a ngo
1Jerusalema a omna ina Jehosafata chu dam takin a kîra. 2Deipu inkhat, Hanana nâipa, Jehua’n rêng kha a hmua, a kuang, “Mi sual changpuia Rengpa ihruaihai tianga kop hi a sa mo ni ti? ni sintho hin Rengpa ning an murtir pe ok a ni. 3Kha sûnga khom khan satna viat chu ni nei; mihai ibiak Aseri irlim murdi inboia Pathian nuamlam ni izong hi,” a tia.
Jehosafata’n roirêl dân a siam insa
4Jehosafata chu Jerusalema a oma, a takirtâi zapa; sim tiang Beerseba ata hmâr tiang Efraima tâng hekna tianga khuahai chu an irchihai Pathian Rengpa tiang a inkîrtirhai tumin a hrohaia. 5Judai rama kul nei khuahai murdi chu roirêltuin a siahaia, hiang hin a hril pehaia: 6“Roi hi rêlinsat pa pai no roi, nin sin hi mihriamhai irchama tho ni mak chêia, Rengpa irchama rêl nin nia, nin irêl chu Rengpa irêl a nih ti inhre roi. 7Rengpa kha chi unglân, irdîn takin itinrêng tho roi, Rengpa ei Pathian chu mi huanghai, theibîk neihai, thamna neihai hi a inuam loi a ni,” a ti ngaia.
8Jerusalem khuaa khan Levi irchihai, ochaihai le kho sûnga hruaitu ual senkhathai chu roirêltu’n a bêhaia. Rengpa dân insiatna hrang thuhai, khotâng dâna a khua mihai ngaitua hrang an ni. 9Hiang hin a tia, “Rengpa chipumin ama sin nin itho hrang a ni; nin itho kai chu iamom takin tho unglân, 10khô khua ata khom nin irchi chanpuihai leh mihriam that hrangin mo, dân le thupêk insiatna thu mo an hon tungin chu, an thu ngaitua pumin an omdân hrang fel takin hrilhai roi; Rengpaa khan thilsual tho no chin ni. 11Sakhua tiang thila ochai inlal tak Amaria thu inlal tak a ta, khotâng thila chu Judai ram optu inlal tak ni a ti. Levi irchihaiin hi roirêltu thu hi an izôm hrang a ni. Hâitakin ama hi zômhai sian, Rengpa chu mi dikna tiang, a kop ngai,” tiin.
Currently Selected:
2 THURCHI SUINA 19: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
