1 THURCHI SUINA 6
6
Ochai inlalhai hong irzom dân
1Levi hin nâi inthum, Gersona, Kohata, Meraria a neihaia. 2Kohata hin nâi minli Amrama, Izhara, Hebron, le Uziela a neihaia. 3Amrama hin nâipasal hni Arona le Mosia a neia, nâinupang Miriami a nei sa. Arona hin nâi minli Nadaba, Abihua, Eleazara le Ithamara a neia. 4Eleazara irchihai chu a dôntea suiin hihai hi an ni. Finehasa, Abisua 5Bukia, Uzia, 6Zerahia, Meraiota, 7Amaria’n, Ahituba, 8Zadoka, Ahimaaza, 9Azaria, Johanana 10Azaria (Jerusalem tempil Solomona isina sinthotu kha a ni). 11Amaria, Ahituba, 12Zadoka, Saluma, 13Hilkia, Azaria, 14Seraia, Jehozadaka. 15Jehozadaka hi rêng Nebukadnezara’n salin Judai ram le Jerusalema mi danghai laia khan a hruai sa, Rengpa’n sala a intângtir a ni.
Levi irchi danghai
16 #
Fes 6.16-19
Levi hin nâi inthum Gersona, Kohata, le Meraria a neia. 17Khaang khan nâipasal an nei vinga. Gersona’n Libna le Simeia a neia. 18Kohatha nâipahai chu Amrama, Izhara, Hebron le Uziela a neia. 19Meraria hin Mahlia le Musia a neia. 20Gersona irchihai khom hiang hin an ni. Libni, Johatha le Zima, 21Joa, Idoa, Zera, Jeatheraia, 22Kohata irchihai khom hihai hi an ni, Aminadaba, Kora, Asira, 23Elkana, Ebeasafa, Asira, 24Tahata, Uriela, Uzia, Saula. 25Elkana’n Amasaia le Ahimota a neia. 26Ahimota irchi khom hiang hin an ni; Elkana, Zofaia, Nahata, 27Eliaba, Jerohama, Elkana 28Samuela nâi ulian chu Joela#6.28: Joela ti irhming hi Hebraiin chu om ma, (1 Sam 8.2, hi en ro.) a nia, a nâipang ual chu Abija a ni. 29Meraria irchihai khom hihai hi an ni. Mahlia, Libnia, Simeia, Uza, 30Simeia, Hogia, Asaia.
Tempil zaipôlhai
31Jerusalem khuaa Thuthung Bôm an lâklût zoiin rêng Davida’n hi mihai hi Pathian biak zoroa zaipôl sak hrangin an kunghaia. 32Reng Solomona’n tempil a sin zoiin hi mihai hi pôla irsiamin irtongna puan ina hlasak hrangin an irthûl irtheng ngai a ni. 33Hi mihai irchi suina chu hiang hin a ni.
Kohata irchihai, zaipôl inkhat hruaitu chu Joela nâipa Hemana a ni. Hemana nâihai chu hihai hi an ni; Joela, Samuela, 34Elkana, Jerohama, Eliela, Toa, 35Zufa, Elkana, Mahata, Amasaia, 36Elkana, Joela, Azaria, Zefania 37Tahata, Asira, Ebiasafa, Kora, 38Ishara, Kohata, Levi Jakoba. 39Asafa chu zaipôl dang hruaitu a ni, Asafa irchihai chu hihai hi an ni. Berekia, Simea, 40Mikaela, Baaseia, Malkija, 41Ethnia, Zera, Adaia, 42Ethana, Zima, Simeia, 43Jahata, Gersona, Levi. 44Meraria irchi Ethana chu zaipôl dang hruaitu a ni, Ethana irchihai chu hihai hi an ni. Kisia, Abdia, Maluka, 45Hasabia, Amazia, Hilkia, 46Amazia, Bania, Semera, 47Mahlia Musia, Meraria, Levi. 48An irchibul Levi irchi danghai chu Pathian biakna hmuna sintho hrang danga irzêkin sin an irsem chit a ni.
Arona irchihai
49Arona le a’rchihai hi maichâma mirimhoi hâlin, hâlirvôm thilinhlan ngaitu an ni. Hmun irthianga Pathian biak hi, annihai tho hrang bîk a ni. Pathianin a mihai sualna a ngaidamna hrangin, thilhai khom annihai hin an inhlan ngai hrang a ni. Pathian siahlo Mosia ihril ang takin an itho ngai a ni. 50Arona irchihai chu hiang hin an ni, Eleazara, Finehasa, Abisua, 51Bukia, Uzia, Zerahia, 52Meraiota, Amaria, Ahituba, 53Zadoka, Ahimaaza.
Levi irchihai omna
54Arona irchi Kohata hai omna ram chu hihai hi a ni. Levi irchihai omna hranga inkung masa khan an oma. 55Judai rama khan Hebron-ah an inomtira, a kôlvêla ram satnahai khom ama idong sa a ni. 56Hi khua huam sûnga kho ulenâi le a lei ram tâk chu Jefunea nâipa Kaleba dongtum a ni. 57Arona irchihai omna ram chu hihai hi a ni, Hebron hai zôkna khua an iti. Libna, Jatir, Estamo, 58Hilen, Debir, 59Asan, Beth-Semes kho kôl sa lêngna hmunhai le, 60Benjamina hai biala hi khua le sa lêngnahai an indongtir a ni. Giba, Alemeta, Anathot. An in mihai omna hranga an ipêkhai chu kho sômhleithum a ni. 61Nitâk tianga Manasea irchihai biala Kohata irchia mi danghai omna hranga tasânin an in mi tam angin kho sôm an pêkhai a ni. 62Gersona irchihai a in mi, a omna hrang Isakara hai rama, Asera-hai Basan rama khua sômhleithum an pêkhai. 63Khaang dênin Reubena hai, Gada hai le Zebulun hai omna rama khua sômhleihni Meraria irchihai omna hrang an pêkhaia. 64Khaang dênin Israel mihaiin Levi irchihai omna hrang khua le sa lêngnahai an indang pehai a ni. 65Juda hai, Simeona hai, Benjamina hai, ram an indang pehai khom tasânin an ipêkhai a ni). 66Kohata irchi senkhathai chu Efraima hai omna ram le a kôlvêla sa lêngna laihai chu lua hrangin an inkung pehaia. 67Efraima tâng rama zôkna khua Sekem, Gezer, 68Jokmeam, Beth-Horon, 69Aijalon le Gath-rimon hai hi. 70Nitâk tianga Manasea hai ram khom Aner le Bileam hai chu a kôl vêla sa lêngna lai vêl chu an dongtum nia ipêk an ni. 71Gersona irchihai omna hrangin hi khuahai hi a kôlvêl sa lêngna hmun pêk inkung a ni. Nisua tianga Manasea hai omna Basan biala Golan le Astarot khuahai hi. 72Isakara hai omna, Kades khua, Deberat khua, 73Ramot khua, le Anem khuahai hi a ni. 74Asera hai omna, Masal khua, Abdon khua, 75Hukok khua, Rehob khua hai hi. 76Naftalia hai omna, Galili Kedes khua, Hamon khua, Kiriathaim khua hai hi. 77Meraria irchia mi danghai chu hi khua le sa lêngnahai hi pêk inkung an ni. Zebulun hai omna. Rimon le Tabor khua 78Jordan nisua tiang pang Jeriko irdîn Reubena hai omna; tâng sîp zôla, Bezer khua, Jaza khua, 79Kedemot khua, Mefaat khuahai hi a ni. 80Gad-hai omna, Gilead biala Mahanaim khua. 81Hesbon khua le Jazer khuahai hi a ni.
Currently Selected:
1 THURCHI SUINA 6: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
