1 THURCHI SUINA 5
5
Reubena irchihai
1 #
Irp 35.22; 49.3-4 Jakoba nâi ulian tak Reubena irchihai chu hihai hi an ni. (Reubena hin a pa lâksîr a zâlpui sikin a nâilutîr tak sutpai a nia, Israel nâi Josefa inchanga pêk a ni, khasikin nâilutîr irtepna hin ar hming a iom ta loi a ni). 2#Irp 49.8-10 Juda irchihai hin an urênghai an khêla, anni lai ata rêng a hong suak mâka chu nâilutîr nitna chu Josefa changtum a ni ta. 3Israel inei masa tak Reubena’n nâipasal minli, Hanoka, Palua, Hazrona, le Karmia a neihaia. 4Joela irchihai chu a’rlo fe dân angin Semaia, Goga, Simeia 5Mika, Reaia, Baala 6#2 Rng 15.29 le Beera hai an ni, Beera hi Reubena irchihai laia a hruaitu tak a ni. Assuria rêng Tilgatpilnesera’n a chela, salin a hruaia. 7An sûngkua thurchi irziakna hin Reubena irchi laia hruaituhai irhming vai hi a chuang. Jeiela, Zekaria, 8Bela hi Azaza nâi a ni, a pu chu Sema, Joela irchi mi a ni. Joela irchihai hi Aroer khuaa an om. Hmâr tiang ram Nebo le Baal-meon dênin an donga. 9Gilead rama hin belra le kêl an nei intama; khasikin nisua ramchârna ram, Eufrates vadung dênin an ilua a ni. 10Reng Saula zoro lai khan Reubena hai hin Hagari hai an doihaia, an thathaia, Gilead ram nisua tianga an ram an sutpaihai tâka.
Gada irchihai
11Reubena hai zoia chu Basan rama hin Gada irchia mihai an oma, nisua tiang Saleka dênin an sipa. 12Joela irchia mi hi a tam ual tak an nia, Sefama irchia mihai hi anni zoi renga tam an ni. Janaia le Sefata irchi hi Basan rama irchi dang viat omhai chu an ni. 13Gada nam laia hi irchi sarihai khom hi tep sa an ni; Mikaela, Mesulam, Seba Joraia, Jakana, Zia, Ebera hai hi, an rêngin sari an ni. 14Hihai hi Huria nâipasal Abihaila irchihai an ni. Huria pa chu Jaroa a ni, kha mi pa kha chu Gilead a ni, a pa chu Mikaela a ni. Mikaela pa chu, Jesisaia a ni, ama pa nôk chu Jadoa a ni, a pu chu Buza a ni. 15Hi irchihai sûnga a hruaitu tak chu Abdiela nâipasal Ahia a ni, a pa chu Gunia a ni. 16Gilead le Basan rama khua chîntea om a ni, Saron ram hnuaia an irthek indarh a ni. 17Juda rêng Jothama le Israel rêng Jeroboama hai zoro lai hin rêngin hi irchi irsui dân hi an irziak suak a ni.
Nisua tianga sipai omhai
18Reubena hai, Gada hai le nisua tianga om Manasea nam tômtehaiin pho, khandai le thal hmang dân thei sipai sîngminli sângminli le irzasari sômruk an neia. 19Hagari nam Jetura, Nafis, Nodab hai leh an irdoia. 20Pathian an iama, changpui hrangin an ngêna, Pathianin an chongchaina chu a sâmhaia, Hagari hai chu an lei irsanpui namhai leh an inhnêhai tâka. 21An râlhai saringsei sîngringa, belra nuaihni sîngringa, sakuartung sânghni le mihriam nuaikhat an chelhaia. 22Pathian irhminga irdoi an nia, mi tamtak an ithathai a ni. Sala an intâng mân chu kha rama khan an om ta a ni.
Nisua tianga Manasea hai
23Nisua tianga Manasea irchia mi omhai chu Basan le hmâr tianga om Baal-Harmon, Senir, Hermon tâng dênin an oma, a sate’n an pung hrâta. 24An laia hruaituhai chu Efera, Isia, Eliela, Azriela, Jeremia, Hodavia le Jadiela hai an ni. Sipai hâitak tak an ni, an irchihai laia chu hruaitu satak an ni.
Nisua tianga nam omhai sala hruai
25Mihaiin an pahai Pathian mâksana; kha rama lei om, Pathianin a inhnotsuak hai pathian an biak tâka. 26#2 Rng 15.19,29; 17.6 Khasikin Pathianin Assuria rêng Pula, Tilgatpilnesera an iti pa chu an omna ram a hon doitira, Reubena irchihai, Gada irchihai le nisua tianga om Manasea irchihai chu a koibukhaia, Hala, Habor, Hora, le Gozan tui kôla an omtirhai tâka.
Currently Selected:
1 THURCHI SUINA 5: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
