1 THURCHI SUINA 4
4
Juda irchihai
1Hihai hi Juda irchi senkhathai chu an ni. Pereza, Hezrona, Karmia, Hura, Sobala, 2Sobala’n Reaia a neia, ama hin Jahata a neia. Jahata hin Ahumaia le Lahada Zora khuaa omhai neitu a ni. 3Kaleba le Efrati nâilutîr chu Hura a ni, Bethlehem khua indingtirtu a ni. Hura’n nâipasal inthum Etama, Penuela le Ezera a neia. Etama’n nâipasal inthum Jereel, Isma, Idbasa hai a neia, nâinupang inkhat Hazelelponi a nei. 4Penuela hi Gedor khua indingtirtu a ni, Ezera hi Husa khua indingtirtu a ni. 5Tekoa khua indingtu Asura’n dôngma inhni Heli le Naari a neia, 6Naari leh nâipasal minli, Ahuzama, Hefera, Temenia le Hahastaria a neia. 7Heli leh nâipasal inthum, Zereta, Izhara, Ethnana hai an ni. 8Khan, Hakoza’n Anuba hai, Zobeba hai, Haruma nâipa Aharhela irchihai a neia. 9An irchi laia mi mahripom tak Jabeza a oma, a nu hin, “Na ti ngôia ki inei a ni sikin,” tiin ar hming khom Jabez#4.9: Jabez ti omzia chu Hebraiin “na” tihna a ni. a iphua a ni. 10Israel hai Pathian kuang Jabeza chu a chongchaia, “O Pathian, sat ni vurin lân, ram irzat tak ni pe’n lân, nâ ki tuang loina hrangin thil saloihai ata ni hrungin lân, ni ompui mai ro,” a tia. Khanchu Pathianin a izong angin a ompui a ni.
In sûngkua dang thurchi
11Suha urêngpa Kaleba’n nâipasal Mehira a neia, Mehira’n Estona a neia, 12Ama hin nâipasal inthum, Bethrafa, Pasea, Tehina a nei hai, Tehina hi Nahas khua indingtu a ni. Hi irchihai hi Reka khuaa om an ni.
13Kenaza khan nâipasal inhni, Othniela le Seraia a neia. Othniela hin nâipasal hni, Hathata le Meonothaia#4.13: Meonothaia ti hi Hebraiin chu om ma. a neia. 14Meonothaia hin Ofra a neia, Seraia hin Joaba a nei a ni. Hitaka omhai hi kut theithiam inzen omkhôm an ni.
15Jefunea nâipa Kaleba’n nâipasal thum, Irua, Ela, le Naama hai a neia. Ela hin Kenaza a neia. 16Jehalela nâipasal minli, Zifa, Zifaia, Tiria le Asarela hai a neihai. 17Ezra’n nâi minli Jethera, Mereda, Efera le Jalona a neia. Mereda hin Aigupta rêng nâinu Bithiaii dôngma’n a neia, nâinupang inkhat Miriami leh nâipasal inhni Samaia le Isba a neia, Isba hi Estemo khua indingtirtu a ni. 18Mereda hin Juda nama mi dôngma’n a neia, nâipasal inthum Jereda, Hebera le Jekuthiela a neihai, Jereda hi Gedor khua indingtirtu a ni, Hebera hi Soko khua indingtirtu a ni; Jekuthiela hi Zano khua indingtirtu a ni. 19Hodia hin Nahama farnu dôngma’n a neia, an nâihai chu Keila khua Garm hai le Estamo#4.19: Estamo ti hi Hebraiin fel ma. khuaa om Maaka hai irchibul a ni. 20Simona hin nâipasal minli Amnona, Rina, Benhanana le Tilona a neia. Isia hin Zoheta le Benzoheta a neia.
Sela irchihai
21Juda nâi Sela irchihai chu hihai hi an ni. Era, Leka khua indingtirtu; Laada chu Maresa khua indingtirtu a ni; a’rchihai chu Beth Asbe khua omhai hi an ni, Ladek mi an ni. 22Jokima Kozeba khuaa omhai leh hin; Joasa le Sarafa a nei. Moab dôngmate dôngma’n a neia. Bethlehem khuaa an om ta. (Hi thurchi hi tianlaia irchi irsuina ata lâk a ni.) 23Reng ihmanghai bêl vuak mi an nia, Netaim le Gedera khuaa om an ni.
Simeona irchihai
24Simeona nâipasal ringa, Nemuela, Jamina, Jariba, Zera le Saula hai an ni. 25Saula hin Saluma a neia, ama hin Mibsama a neia, Mibsama hin Misma a neia, 26Misma hin Hamuela a neia, ama hin Zakura a neia, Zakura hin Simeia a neia, 27Simeia hin nâipasal sômhleiruk le nupang kiruk a neia, khannisian a urêng danghaiin chu nâi nei intam mahai; Simeona irchihai chu Juda irchihai angin pung thei mahai. 28#Jos 19.2-8 Davida inlal zoro dên khan chu Simeona irchi hi Beerseba, Molada, Hazarsuala, 29Bilha-ah, Ezem-ah, Tolad-ah, 30Bethuel-ah, Horma-ah, Ziklag-ah, 31Beth-markabot-ah, Hazarsusim-ah, Bethberi-ah, Saaraim khuahaia an om ngai. 32Etam haia, Ain haia, Rimon haia, Token haia, Asan khuahai le 33a kôlvêl khua Baalath khua sim tianga tâng an omna a ni. An sûngkua thurchi le an omna hmunhai irziakna lekhabua an nam hruaituhai chu hihai hi an ni. 34Mesobaba, Jamleka, Amazia, nâipa Josa, 35Joela, Jehua, (Jehua hi Josibia nâi a ni, a pu chu Asiela nâi Seraia a ni). 36Elioenaia, Jakoba, Jesohaia, Asaia, Adiela, Jesimiela, Benaia, 37Ziza, Ziza hi Sifia nâi a ni; kha pa kha Alona nâi a ni; Alona hi Jedaia nâi a ni, a pa chu Semaia nâi Simria a ni. 38Hihai irchi hi an pung hrât tak taka. 39Nitâk tianga Gerar#4.39: Gerar hi Hebraiin chu Gedor ti a ni. dênin an indarh zoia, kha khua omna irhôr kho nisua tianghai khom kêlbelra an insuahai a ni. Ram ôl lian, hloisûl satna hmun, ram hrisêl irtharngamna tamtak an hmu a ni. Hihai lai hin Hama hai an om ngai a ni. 40Judai ram rêng Hezekia zoro lai khan annihai khi Gerar-a an fea, khataka lei omhai puan in le bokrop neihai an insiatpai pehaia. An belra satna hrangin hloisûl a sa pehai hrai sikin, kha hmuna lei omhai kha an inhnotpaihaia, anni’n an iluapai a ni ta. 41Isia nâi Pelatia, Nearia, Refaia le Uziela haiin Simeona irchihai laia mi irzaringa chu nisua tiang Edom rama an fea. 42Amalek leh omhai chu an thathaia, atûn ten hin an iom ta a ni. 43Khan, Amalek mi rothai a la om sunhai kha an thata, an hmuna khan a vuan sûn ten hin an la om a ni.
Currently Selected:
1 THURCHI SUINA 4: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
